ފުލުހެއްގެ ސައިކަލެއްގައި ރޯކޮށްލައިފި
22 ޖުލައި 2017 | ހޮނިހިރު 00:31ސައިކަލުގައި ރޯކޮށްލާފައިވަނީ ބުރާސްފަތި ދުވަހުގެރޭ
ސިމާހާ ނަސީމް | 22 ޖުލައި 2017 | ހޮނިހިރު 00:31
މާލޭގައި ސައިކަލްތަކެއް ޕާކުކުރެވިފައި
ފުލުހެއްގެ ސައިކަލެއްގައި ރޯކޮށްލައިފިއެވެ.
ރޯކޮށްލާފައިވަނީ ނ ހޮޅުދޫގައި މަސައްކަތްކުރާ ފުލުހެއްގެ ސައިކަލެއްގައެވެ.
ސައިކަލުގައި ރޯކޮށްލާފައިވަނީ ބުރާސްފަތި ދުވަހުގެރޭ އެވެ.
މި ފުލުސް މީހާއަކީ އެރަށުގެ މީހަކާއި ކައިވެނިކޮށްގެން އެ ރަށުގައި ދިރިއުޅެމުން އަންނަ މީހެކެވެ.
ސައިކަލު ރޯކޮށްލުމުގެ ސަބަބުން ސައިކަލުވަނީ ބޭނުންނުކުރެވޭ ވަރަށް ހަލާކުވެފައެވެ.
ސައިކަލުގައި ރޯކޮށްލާފައިވަނީ ކޮންބައެއް، އަދި ކީއްވެގެންކަން ވަނީ ސާފުވާގޮތްނުވެފައެވެ.
ފުލުހުންދަނީ މި މައްސަލަ އިތުރަށް ތަހްޤީޤްކުރަމުންނެވެ.
ޖޫން 22 ވަނަ ދުވަހުވަނީ ގއ. ކަނޑުހުޅުދޫ ކޯޓުގެ މެޖިސްޓްރޭޓް ހަސަން ދީދީގެ ސައިކަލްގައި ރޯކޮށްލާފައިވެ އެވެ.
