ކޮވިޑް-19: ސިކްސް ސެންސަސް އިން އިތުރު 2 މީހަކު އައިސޮލޭޓްކޮށްފި
އައިސޮލޭޓް ކުރި ދެ މީހުންނަކީ ރާއްޖެ އެތެރެވުމުގެ ކުރިން ކޮވިޑް-19 އަށް ޕޮޒިޓިވް މީހަކާއި ކޮންޓެކްޓްވި 2 މީހެއް
ސިކްސް ސެންސަސް ލާމު
ލ. ސިކްސް ސެންސަސް ރިސޯޓުން އިތުރު 2 މީހަކު ހޯމް އައިސޮލޭޓްކޮށްފިއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކުރި ޓްވީޓެއްގައި ބުނެފައިވަނީ އެ ދެމީހުން ހޯމް އައިސޮލޭޝަން ކުރުމަށްފަހު މޮނިޓާ ކުރަމުންދާ ކަމަށާއި، ރާއްޖެ އެތެރެވުމުގެ ކުރިން އެ ދެ މީހުން ވެސް ކޮވިޑް-19 އަށް ޕޮޒިޓިވް ވެފައިވާ މީހަކާއި ކޮންޓެކްޓް ވެފައިވާ ކަމަށް އެ ދެމީހުންގެ ފަރާތުން މައުލޫމާތު ލިބިފައިވާ ކަމަށެވެ.
މިއާއެކު އެ ރިސޯޓުގައި ހޯމް އައިސޮލޭޝަންގައި 4 މީހަކު އެބަތިއްބެވެ.
އެޗްޕީއޭއިން ބުނީ މީގެ ތެރެއިން އެއްވެސް މީހަކުގެ ގައިން ކޮވިޑް-19 އަށް ޝައްކު ކުރެވޭ އަލާމާތެއް ފެނިފައި ނުވާތި އެ ރިސޯޓް މޮނިޓަރިންގެ ހާލަތަކަށް ގެނެސްފައި ނުވާ ކަމަށެވެ.
ހުކުރު ދުވަހުގެ ރޭގެ 9:00 އާ ހަމައަށް ރިޕޯޓްކޮށްފައިވާ ކޭސްތަކުގެ އަޕްޑޭޓް
24 ގަޑި އިރުގެ ތެރޭގައި ޕޮޒިޓިވްވި ކޭސްގެ އަދަދު 1
މިހާތަނަށް ބަލި ފެނުނު މީހުންގެ އަދަދު 9
ފަރުކޮޅުފުށި އައިސޮލޭޝަންގައި 9
ވިލިވަރު ކަރަންޓީންގައި 17
