ކޮވިޑް-19: ކަޒަޚްސްތާނުން ދެކޭސް ރިޕޯޓުކޮށްފި

ކަޒަޚްސްތާނުން ކޮވިޑް-19 ގެ ފުރަތަމަ ދެކޭސް ރިޕޯޓުކޮށްފިއެވެ.

މިއީ ކަޒަޚްސްތާނުން ރިޕޯޓު ކުރެވުނު ކޮވިޑް-19 ގެ ފުރަތަމަ ދެ ކޭސްއެވެ. ކަޒަޚްސްތާނަށް ނިސްބަތްވާ ދެމީހުންނަކީ ޖަރުމަނަށް ދަތުރުކުރި ދެމީހުން ކަމަށް އެގައުމުގެ ސިއްހަތާއި ބެހޭ ވަޒީރާއި ހަވާލާދީ ބޭރުގެ މީޑިއާތަކުން ރިޕޯޓުކޮށްފައިވެއެވެ.

އަދި އެދެމީހުންނަށް ދަނީ އެގައުމުގެ އެންމެ ބޮޑު ސިޓީ ކަމަށްވާ އަލްމަޓީގައި ކޮރޯނާ އަށް ފަރުވާދިނުމަށް ޚައްސާކުރެވިފައިވާ ހޮސްޕިޓަލެއްގައެވެ. އެދެމީހުންނަށް ވެސް ފަރުވާދެމުންދާއިރު ދެމީހުންގެ ހާލުވެސް ރަނގަޅު ކަމަށް ވެސް ރިޕޯޓުތަކުން ބުނެއެވެ.

އެގައުމުގެ ސިވިލް އޭވިއޭޝަން ކޮމިޓީން ވަނީ ހުކުރު ދުވަހު ނެދަރލޭންޑްސް، ޕޮލެންޑް، ޓަރކީ އަދި ޔޫކޭ އަށް ދަތުރުކުރާ އިންޓަރނޭޝަނަލް ފްލައިޓުތަކަށް ދަތުރުކުރުން މަނާކޮށްފައެވެ.