އެކްޓަރ ޓޮމް ހޭންކްސްއާއި އޭނާގެ އަންހެނުން ރިޓާ ވިލްސަން ކޮވިޑް-19 އަށް ޕޮޒިޓިވްވެއްޖެ
ދެން އެ ދެމީހުން ތިބޭނީ އައިސޮލޭޝަންގައި
އޮސްކާ އިނާމް ހާސިލްކޮށްފައިވާ ހޮލީވުޑްގެ އެކްޓަރ ޓޮމް ހޭންކްސްއާއި އޭނާގެ އަންހެނުން
އޮސްކާ އިނާމް ހާސިލުކޮށްފައިވާ ހޮލީވުޑްގެ އެކްޓަރ ޓޮމް ހޭންކްސްއާއި އޭނާގެ އަންހެނުން ރިޓާ ވިލްސަން ކޮރޯނާ ވައިރަސްއަށް ޕޮޒިޓިވް ވެފައިވާކަމަށް ހާމަކޮށްފިއެވެ.
އުމުރުން 63 އަހަރުގެ މި ދެމަފިރިން ކޮވިޑް 19 އަށް ޕޮޒިޓިވް ވިކަން އެނގިފައިވަނީ އޮސްޓްރޭލިއާގެ ކްއީންސްލަންޑްގައި ހުއްޓައި ރޯގާގެ އަސަރު ފެނުމުން ޑޮކްޓަރަށް ދެއްކުމުންކަމަށް އޭނާ އިންސްޓަގްރަމްގައި ލިޔެފައިވެއެވެ.
ދެން އެ ދެމީހުން ތިބޭނީ އައިސޮލޭޝަންގައިކަމަށްވެސް އޭނާ ބުނެފައިވެއެވެ.
ޓޮމްގެ ދެމަފިރިން އޮސްޓްރޭލިޔާގެ ގޯލްޑް ކޮސްޓްގައި ތިބީ އެލްވިސް ޕްރެސްލީގެ ހަޔާތާ ބެހޭގޮތުން ކުޅެމުން ދިޔަ ފިލްމެއްގެ މަސައްކަތަށެވެ.
"ރޯގާ ޖެހުނީމަ ވާހެން އަހަރުމެންނަށް ވަރުބަލިކަން އިހުސާސްވީ. ދެން ކޮންމެސް ވަރަކަށް ގައިގަ ރިހުން. ރީޓާއަށް ހީކެރުވުން އައިސްގޮސް, ދެން ކުޑަކޮށް ހުންވެސް އައީ. އިންސްޓަރގްރަމްގައި ޓޮމް ހޭންކްސް ލިޔެފައިވެއެވެ.
