ރާއްޖެ
ރައީސް ޔާމީން
ސިއްހީ ހާލަތުގެ ސަބަބުން ރައީސް ޔާމީން ގެޔަށް ބަދަލުކޮށްދިނުމަށް އާއިލާއިން އެދިއްޖެ
އާއިލާއިން އެގޮތަށް އެދިފައިވާކަން، އެމަނިކުފާނުގެ ގާނޫނީ ވަކީލުން ވަނީ ކަށަވަރުކޮށްދެއްވާފަ
ދާނިޝް ނިޡާމް, ރާއްޖެ އެމްވީ | 26 ފެބުރުއަރީ 2020 | ބުދަ 05:48
ކުރީގެ ރައީސް އަބްދުﷲ ޔާމީން
ކުރީގެ ރައީސް އަބްދުﷲ ޔާމީން ގެޔަށް ބަދަލުކޮށްދިނުމަށް އާއިލާއިން އެދިއްޖެ އެވެ.
އާއިލާއިން އެގޮތަށް އެދިފައިވާކަން، އެމަނިކުފާނުގެ ގާނޫނީ ވަކީލުން ވަނީ ކަށަވަރުކޮށްދެއްވާފަ އެވެ.
ރައީސް ޔާމީން ގެޔަށް ބަދަލުކޮށްދިނުމަށް އާއިލާއިން އެދުނީ އެމަނިކުފާނުގެ ސިއްހީ ހާލަތު ގޯސްވުމުގެ ސަބަބުން ޑޮކްޓަރުންގެ ލަފަޔަށް ރިޔާއަތްކުރުމަށްފަހު އެވެ. އެގޮތުން އައިޖީއެމްއެޗުގައި އެޑްމިޓްކޮށް ހަދާފައިވާ ޓެސްޓުތަކުން އެމަނިކުފާނުގެ ސިއްހީ ހާލަތު ގޯސްކަން އެނގިގެންދާކަމަށް އާއިލާއިން ފާހަގަކޮށްފައިވެއެވެ.
