ޔޫޓިލިޓީ ރެގިއުލޭޓަރީ އޮތީރިޓީގެ ބިލު ރަައްޔިތުންގެ މަޖިލީހަށް ހުށަހަޅައިފިއެވެ. މި ބިލު އަންގާރަ ދުވަހުގެ ޖަލްސާގައި ހުށަހަޅުއްވައިދެއްވީ ތިނަދޫ ދެކުނު ދާއިރާގެ މެމްބަރު ޢަބްދުﷲ ސަނީފްއެވެ.
ސަރުކާރުން މި ބިލު ހުށަހެޅުމުގެ ބޭނުމަކީ، ޢާންމު ބޭނުންތަކުގެ ޚިދުމަތްތައް ދިނުމާގުޅޭ ކަންކަން ތަންފީޒު ކުރުމަށްޓަކައި ތަންޒީމުކުރުމަށްޓަކައި އޮތޯރިޓީއެއް އުފައްދައި، އެ އޮތޯރިޓީގެ މަސްއޫލިއްޔަތުތަކާއި ބާރުތައް ކަނޑައެޅުމެވެ. އަދި ޢާންމު ބޭނުންތަކުގެ ޚިދުމަތްތަކާގުޅޭ ކަންކަން ރާވައި، ހިންގާނެ ގޮތުގެ ޢާންމު އުސޫލުތައް ބަޔާންކުރުމާއެކު، ޢާންމު ބޭނުންތަކުގެ ޚިދުމަތް ފޯރުކޮށްދިނުމުގައި ޤާނޫނާ ޚިލާފުވާ ފަރާތްތަކާ މެދުގައި ފިޔަވަޅު އެޅުމާބެހޭ އުސޫލުތައް ބަޔާންކުރުންވެސް މި ބިލް ހުށަހެޅުނު މަގްސަދުތަކުގެ ތެރޭގައި ހިމެނެއެވެ.
މި ބިލުގެ މަގްސަދުތަކަކީ އާންމު ބޭނުންތަކުގެ ޚިދުމަތްތަކަކީ ދިވެހިރާއްޖޭގައި ދިރިއުޅޭ އެންމެނަށް އެކަށިގެންވާ ހެޔޮ އަގެއްގައި، ހަރުދަނާ، އިތުބާރުހުރި އަދި ދެމެހެއްޓެނެވި ގޮތެއްގެމަތިން، ފޯރުކޮށްދެވޭ ޚިދުމަތްތަކަކަށް ހެދުމެވެ. އަދި އާންމު ބޭނުންތަކުގެ ޚިދުމަތްތަކަކީ ރައްޔިތުންގެ ބޭނުންތައް ފުއްދައިދެވޭއަދި އާއްމު ބޭނުންތަކުގެ ޚިދުމަތްތަކަކީ ރައްޔިތުންގެ ބޭނުންތައް ފުއްދައިދޭ އަދި ކާމިޔާބުކަމާއެކު ރަނގަޅު ފެންވަރުގައި ދެވޭ ޚިދުމަތްތަކަކަށްހެދުންވެސް މަގްސަދުތަކުގެ ތެރޭގައި ހިމެނެއެވެ.
މީގެއިތުރުން ޢާންމު ބޭނުންތަކުގެ ޚިދުމަތްތައް ފޯރުކޮށްދިނުމުގައި ބޭއިންސާފުން ކުރާ ކަންކަން ހުއްޓުވުމާއެކު، ވާދަވެރި ވެށްޓެއް ޤާއިމުކޮށް، ޚިދުމަތްތައް ކުރިއެރުވުމަށް މަގުފަހިކުރުމާއި ޢާންމު ބޭނުންތަކުގެ ޚިދުމަތް ފޯރުކޮށްދިނުމުގައި ޢަމަލުކުރާނެ ޢާންމު އުސޫލުތައް ކަނޑައަޅާ އެ އުސޫލުތައް ދެމެހެއްޓުމަށް ބާރުއެޅުންވެސް މަގްސަދުތަކުގެ ތެރޭގައި ހިމެނެއެވެ. ޢާންމު ބޭނުންތަކުގެ ޚިދުމަތްދޭ ފަރާތްތަކުން މި ޤާނޫނާއި ޢާންމުބޭނުންތަކުގެ ޚިދުމަތާގުޅޭ ޚާއްޞަ ޤާނޫނުތަކާ އެއްގޮތްވާ ގޮތުގެމަތިންޢަމަލުކުރަމުންދޭތޯ ބަލައި، ފިޔަވަޅު އެޅޭނެ ނިޒާމެއް ޤާއިމުކުރުން ވެސް ހިމެނެއެވެ.
މި ބިލު ގާނޫނަކަށްވެ އަމަލު ކުރަން ފެށުމާއި އެކު މިހާރު ހުންނަ އެނަރޖީ އޮތޯރިޓީ އޮފް މޯލްޑިވްސް ބަދަލުވެގެންދާނީ ޔޫޓިލިޓީ ރެގިއުލޭޓަރީ އޮތޯރިޓީ އަށެވެ.
