އެހެނަސް ދޭއްގެ ޓީޒަރ އާއްމުކޮށްފި

ރާއްޖޭގެ މުނިފޫހިފިލުވުމުގެ ދާއިރާއަށް ބޮޑު އިންގިލާބީ ބަދަލެއް ގެނައި އެޕްލިކޭޝަން ބައިސްކޯފުން ދައްކަމުން ދިޔަ ސީރީޒް "އެހެނަސް" ގެ ސީޒަން ނިމި ދެވަނަ ސީޒަންގެ ޓީޒަރ އާއި ޕޯސްޓަރު ނެރެފިއެވެ.

އެހެނަސް - ސީރިޒްގެފޭސްބުކްގައި އެ ސީރިޒްގެ ޓްރެެއިލަރ އާއި ޕޯސްޓަރު ވަނީ އާއްމުކޮށްފައެވެ. ޓީޒަރގެ ގައި ފެނިގެންދަނީ ސީރީޒްގެ މެއިން ކާސްޓު ނިޔާ (މުހައްމަދު ވިޝާލް) ފެނިގެންދިޔައެވެ.

ފުރަތަމަ ސީޒަންގެ ދިހަ އެޕިސޯޑަށް ބެލުންތެރިންގެ ބޮޑު ތަރުހީބެއް ލިބިގެންދިޔަ އިރު ދެވަނަ ސީޒަންގެ މަންޒަރުތައް ނަގާފައިވަނީ އޮކްޓޫބަރު މަހުއެވެ. "އެހެނަސް" ގެ ދެވަނަ ސީޒަންގައި އާ ތަރިންތަކެއް ވެސް ފެނިގެންދާނެއެވެ.

މަޝްހޫރު ވާހަކަ ލިޔުންތެރިޔާ އަހުމަދު އިގްބާލް (އައިކިއު) ގެ ވާހަކައަކަށް ތައްޔާރު ކުރަމުންދާ "އެހެނަސް"ގެ ޑައިރެކްޓަރަކީ ރަވީ ފާރޫގެވެ. "އެހެނަސް" ގެ ވާހަކަ އިން ދައްކުވައިދެނީ ރަނޑު އަދި ގެވެށި އަނިޔާގެ ޝިކާރައަކަށް ވެފައިވާ ފިރިހެން ކުއްޖެއްގެ ދިރިއުޅުމުގައި ދިމާވާ ކަންތައްތަކެކެވެ. ފުރަތަމަ ސީޒަންގައި ފެނިގެންދިޔައީ މުޅިން އާ ކާސްޓެކެވެ.

ފިލްމީ ދާއިރާގެ ސީނިއާ ކާސްޓުންނަކަށް އެ ސީޒަންގައި ފެނިގެންދިޔައީ މަރިޔަމް ހަލީމް އާއި ޝީލާ ނަޖީބުގެ އިތުރުން މުހައްމަދު މަނިކެވެ.