ގަލޮޅު ގެއެއްގައި އަލިފާނުގެ ހާދިސާ އެއް ހިނގައިފި
15 ފެބުރުއަރީ 2020 | ހޮނިހިރު 17:18އަލިފާން ވަނީ ނިއްވާލާފައި
ގ. ޕްރިޒައިޑް ގައި ރޯވި އަލިފާން ނިންވާލުމަށް އާއްމުންނާއި އެމްއެންޑީއެފުން ހަރަކާތްތެރިވަނީ
ގ. ޕްރީޒައިޑް ގޭގެ ފުރަތަމަ ފްލޯގައި އަލިފާނުގެ ހާދިސާއެއް ހިނގައިފިއެެވެ.
ޝަބްނަމް މަގުގައި ހުންނަ އެ ގޭގައި އަލިފާނުގެ ހާދިސާއެއް ހިނގައިގެން އުޅޭކަމުގެ ރިޕޯޓް ހޮނިހިރު ދުވަހުގެރޭ 21:18 ހާއިރު ހުށައެޅިފައިވާ ކަމަށް ފުލުހުން ވަނީ ބުނެފައެވެ. އެމްއެންޑީއެފުން ބުނީ، އަލިފާން ރޯވެފައިވަނީ ރޫމް ކަރަންޓު ޑީ ބޯޑްގައި ކަމަށާއި، އަލިފާނުގެ އަސަރު ދޮންނަ މެޝިންނަށް ކޮށްފައިވާ ކަމަށެވެ. އަދި ބައެއް އަންނައުންވެސް އަނދާފައިވާ ކަމަށް އެމްއެންޑީއެފުން ބުންޏެވެ.
އެމްއެންޑީއެފުން ވަނީ އެ ގޭގައި ރޯވި އަލިފާންގަނޑު ނިއްވާލާފައެވެ. މަންޒަރު ދުށް މީހަކު ރާއްޖެ.އެމްވީ އަށް ބުނީ، އަލިފާން ރޯވި ގަޑީގައި އެޕާޓްމެންޓުގައި އެއްވެސް މީހަކު ނެތް ކަމަށެވެ. އެ ހާދިސާގައި އެއްވެސް މީހަކަށް އަނިޔާވެފައިވާ ކަމުގެ ރިޕޯޓް އަދި މިހާތަނަށް ލިބިފައެއް ނުވެއެވެ.
