ހުކުރު 02 އޮކްޓޯބަރ 2020
12 އަތަ
1442 ސަފަރު 14
ފަތިސް 04:41
އިރުއަރާ 05:52
މެންދުރު 12:00
އަސްރު 15:09
އިރުއޮއްސޭ 18:00
އިޝާ 19:11
އިޓާލިއަން ކަޕް

ފަހު ވަގުތު ރޮނާލްޑޯ ކާމިޔާބުކުރި ލަނޑުން ޔުވެންޓަސް ބަލިނުވެ ސަލާމަތްވެއްޖެ

  • މި މެޗު ނިމިގެންދިޔައީ 1-1 ގެ ނަތީޖާއަކުން

ކ. މާލެ | 14 ފެބްރުއަރީ 2020 | ހުކުރު 12:41 | 3,914

އޭސީ މިލާން އަދި ޔުވެންޓަސް ބައްދަލުކުރި މެޗުގެ ތެރެއިން - ގެޓީ އިމޭޖާސް

އިޓާލިއަން ކަޕް ސެމީ ފައިނަލް ފުރަތަމަ ލެގް ގައި އޭސީ މިލާން އަދި ޔުވެންޓަސް ބައްދަލުކުރި މެޗުގައި ފަހުވަގުތު ރޮނާލްޑޯ ކާމިޔާބުކުރި ލަނޑުން ޔުވެންޓަސް ބަލިނުވެ ސަލާމަތްވެއްޖެއެވެ.

އޭސީ މިލާން ދަނޑުގައި ކުޅުނު މި މެޗު ނިމިގެނދިޔައީ 1-1 ގެ ނަތީޖާއަކުން އެއްވަރު ވެގެންނެވެ.

މެޗު ފަށައިގެން އޭސީ މިލާނުން ޔުވެންޓަސްގެ ގޯލަށް ނުރައްކާ ކުރިއިރު މި ހާފުގައި އޭސީ މިލާނުން ވަނީ ޔުވެންޓަސްގެ ގޯލަށް ފުލުފުލުގައި ހަމަލާތައް އުފައްދައިފައެވެ. މެޗުގެ 10 ވަނަ މިނެޓުގައި މިލާނުގެ އިތުބާރު ފޯވާޑް ޒަލަޓާން އިބްރަހިމޮވިޗް އަށް ވަނީ ލަނޑު ޖަހަން ރަނުގެ ފުރުސަތެއް ލިބި ބޭކާރުވެފައެވެ. އޭނާ ފޮނުވާލި ހަމަލާ ގޯލާ އަމާޒުނުވެ ދިޔައީ ބޭރަށެވެ. އޭގެ ފަހުން މެޗުގެ 28 ވަނަ މިނެޓުގައި މިލާނުގެ ރެބިޗް ވަނީ ނުރައްކާތެރި ހަމަލާއެއް ޔުވެންޓަސްގެ ގޯލަށް ފޮނުވައިލައިފައެވެ. ނަމަވެސް އޭނާ ފޮނުވާލި ހަމާލާގެ ހުރަހަކަށް ވެގެންދިޔައީ ޔުވެންޓަސްގެ ކީޕަރު ބުފަންނެވެ.

މެޗުގެ ދެވަނަ ހާފު ފަށައިގެން ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔައިރު ދެވަނަ ހާފުގައި ވެސް މިލާނުން ވަނީ ނުރައްކާތެރި ހަމަލާތަކެއް ޔުވެންޓަސްގެ ގޯލަށް ފޮނުވައިލައިފައެވެ. ނަމަވެސް ޔުވެންޓަސްގެ ކީޕަރު ބުފަން ވަނީ ހުށިޔާރު ކަމާއިއެކު މިލާންގެ ހަމަލާތައް ދިފާއު ކޮށްފައެވެ. މެޗުގެ 61 ވަނަ މިނެޓުގައި މިލާނުން ވަނީ ލަނޑު ޖަހާ ލީޑު ނަގައިފައެވެ. މި ލަނޑު އެޓީމަށް ކާމިޔާބުކޮށްދިނީ ރެބިޗް އެވެ. ނަމަވެސް މެޗުގެ 71 ވަނަ މިނެޓުގައި ހަނާންޑޭޒް އަށް ދެއްކި ރަތްކާޑާއި އެކު މިލާންއަށް ގޮންޖެހުންތަކެއް ކުރިމަތިވިއެވެ. މެޗުގެ 90 ވަނަ މިނެޓުގައި ޔުވެންޓަސްގެ ތަރި ކްރިސްޓިއާނޯ ރޮނާލްޑޯ ވަނީ ލަނޑު ޖަހައިފައެވެ.

ދެވަނަ ލެގަށް ނުކުންނައިރު މިލާންއަށް ދިމާވާނެ އެންމެ ބޮޑު މައްސަލައަކީ އެޓީމުގެ މުހިންމު ތިން ކުޅުންތެރިންނަށް ސަސްޕެންޝަނުގެ ސަބަބުން ނުކުޅެވުމެވެ. ސަމޫ ކަސްޓިލޭހޯ، ތެއޯ ހެނާންޑޭޒް އަދި އިބްރަހިމޮވިޗް ސަސްޕެންޑްވީ ބުރާސްފަތި ދުވަހުގެ ރޭ ކުޅުނު މެޗުގައި ދެއްކި ރީދޫކާޑާއި ގުޅިގެންނެވެ.

އިޓާލިއަން ކަޕްގެ ސެމީ ފައިނަލްގައި މާރޗް 4 ވަނަ ދުވަހު އޭސީ މިލާނުން ޔުވެންޓަސް އާއި ދެކޮޅަށް ނުކުންނައިރު މި މެޗު ކުޅެވިގެންދާނީ ޔުވެންޓަސްގެ ދަނޑުގައެވެ.

އެންމެ ފަހުން އަޕްޑޭޓް ކުރީ: 6 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.