އަންގާރަ 25 ފެބުރުއަރީ 2020
ހިޔަވިހާ 12
1441 ރަޖަބު 02
ފަތިސް 05:05
އިރުއަރާ 06:17
މެންދުރު 12:23
އަސްރު 15:38
މަޣްރިބް 18:22
އިޝާ 19:34
ކުޅިވަރު - ބައްސާމް އަދީލް ޖަލީލް

އީގަލްސްގެ ތާއިދާއެކު ބައްސާމަށް ފުރަތަމަ ޑިވިޝަނުގެ ހުރިހާ ޓީމެއްގެ ތާއިދު ލިބިއްޖެ

  • ފުރަތަމަ ޑިވިޝަނުގެ އިތުރުން ދެވަނަ ޑިވިޝަނުގެ ކްލަބްތަކުން ވެސް އަންނަނީ ބައްސާމްއަށް ތާއިދުކުރާ ކަން އިއުލާން ކުރަމުން
  • ބައްސާމާއި އެކު ރާއްޖޭގެ ފުޓުބޯޅަ އިތުރު ހަރުފަތަކަށް ދާނެ
  • ފުރަތަމަ ޑިވިޝަނުގެ ހަ ކްލަބުން ވަނީ ބައްސާމަށް ތާއިދު ކޮށްފަ

އަތޫފް އާތިފް
AthifAthoof

ކ. މާލެ 13 ފެބުރުއަރީ 2020 | ބުރާސްފަތި 18:27 5,060

އެފްއޭއެމްގެ ރައީސް ބައްސާމް އަދީލް ޖަލީލް - މުހައްމަދު ޝަރުހާން

ކްލަބް އީގަލްސްގެ ތާއިދާއިއެކު ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް އަކަށް މިހާރުވެސް އެމަގާމުގައި ހުންނެވި ބައްސާމް އަދީލް ޖަލީލް ދެވަނަ ދައުރަކަށް ހޮވުމަށް ފުރަތަމަ ޑިވިޝަނުގައި ވާދަކުރާ ޓީމުތަކުން ވޯޓުލެވޭ ހުރިހާ ޓީމެއްގެ ތާއިދު ލިބިއްޖެއެވެ.

އީގަލްސްގެ ރަސްމީ ފޭސްބުކް ޕޭޖުގައި މިއަދު ބުނީ އީގަލްސްގެ ބޯޑުން ބައްސާމް އަށް ތާއިދު ކުރަން ނިންމައިފައިވާ ކަމަށާއި ބައްސާމާއި އެކު ރާއްޖޭގެ ފުޓުބޯޅަ އިތުރު ހަރުފަތަކަށް ދާނެ ކަމުގެ ޔަގީންކަން އޮތް ކަމަށެވެ. މީގެ އިތުރުން އީގަލްސްއިން ބުނީ އެފްއޭއެމްއަށް ބޭނުން ވަނީ ބައްސާމް ކަހަލަ ހަރުދަނާ ލީޑަރެއް ކަމަށާއި، ބައްސާމާއިއެކު ފުޓުބޯޅައިގެ ކުރިމަގު ފެންނަ ކަމަށާއި، ބައްސާމް ވަރެއް ނެތް ކަމަށެވެ.

މީގެކުރިން އެފްއޭއެމްގެ ރައީސް ބައްސާމް ވަނީ އެ އިދާރާގެ އިންތިޚާބު އަވަސް ކުރުމަށް އެފްއޭއެމްގެ ހިންގާ ކޮމެޓީއަށް ހުށަހަޅުއްވައި، އެކަމަށް ހިންގާ ކޮމެޓީން އެއްބަސްވެފައިވާކަން އިޢުލާނުކުރައްވާފައެވެ. އެހެންކަމުން މާޗު މަހުގެ ތެރޭގައި އެފްއޭއެމްގެ އިންތިޚާބު ބާއްވަން ހިންގާ ކޮމެޓީން ނިންމާފައިވާ ކަމަށް ބައްސާމް ވިދާޅުވި އެވެ.

ބައްސާމްގެ އެ ޓްވީޓާއެކު މިހާރު ފުރަތަމަ ޑިވިޝަނުގެ ވޯޓުލެވޭ ހަކުލަބުން ވަނީ އޭނާއަށް ތާޢީދުކުރާނެކަން ހާމަކޮށްފައެވެ. އެއީ ދަ ގްރާންޑޭ އާއި، ޔޫވީގެ އިތުރުން ޓީސީ ސްޕޯޓްސް ކްލަބާއި، ކްލަބު ގްރީން ސްޓްރީޓްސްގެ އިތުރުން މާޒިޔާ ސްޕޯޓްސް އެންޑް ރެކްރިއޭޝަނާއި އީގަލްސް އެވެ.

ފުރަތަމަ ޑިވިޝަނުގެ އިތުރުން ދެވަނަ ޑިވިޝަނުގެ ކްލަބްތަކުން ވެސް އަންނަނީ ބައްސާމްއަށް ތާއިދުކުރާ ކަން އިއުލާން ކުރަމުންނެވެ.

އެފްއޭއެމްގެ ރައީސް ބައްސާމުގެ ފުރަތަމަ ދައުރު ހަމަވާނީ މިއަހަރުގެ ނޮވެންބަރު މަހުގެ 20 ވަނަ ދުވަހު އެވެ. އެފްއޭއެމްގެ އިންތިޚާބު ނޮވެންބަރު 20 ގެ ކުރިން ބާއްވަން އެއެސޯސިއޭޝަންގެ ހިންގާ ޤަވާއިދުގައި ބުނެއެވެ.

އެފްއޭއެމްގެ ރައީސްގެ މަޤާމުން ބައްސާމް ވަކިކުރުމަށް ނިމިދިޔަ އަހަރު ބައެއް ކުލަބުތަކުން މަސައްކަތް ކޮށްފައިވާއިރު، އޭގެ ތެރޭގައި ރާއްޖޭގެ އެންމެ ބޮޑު ދެ ކުލަބު ކަމަށްވާ ނިއުރޭޑިއަންޓް ސްޕޯޓްސް ކްލަބާއި، ވިކްޓަރީ ސްޕޯޓްސް ކްލަބު ހިމެނެއެވެ. އެކަމަކު އެ ދެ ކުލަބު މިހާރު ވަނީ ފުޓްބޯޅައިގެ ހުރިހާ ޙަރަކާތްތަކުން ސަސްޕެންޑް ކޮށްފައެވެ.

އެންމެ ފަހުން އަޕްޑޭޓް ކުރީ: 2 ހަފްތާކުރިން | ރިވިއު ކުރީ: އަމަން ހަލީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް