މި ދައުރުގެ ތެރޭގައި ސަރުކާރުގެ ފަރާތުން 56 ބިލެއް ހުށައަޅަނީ
12 ފެބުރުއަރީ 2020 | ބުދަ 04:5510 ބިލެއް ވަނީ ރައީސް އޮފީހަށް ފޮނުވާފައި: ބަންޑާރަ ނައިބުގެ އޮފީސް
އެޓަރނީ ޖެނެރަލް އިބްރަހީމް ރިއްފަތު
މި ދައުރުގައި ސަރުކާރުގެ ފަރާތުން ރައްޔިތުންގެ މަޖިލީހުގެ 56 ބިލެއް ހުށައަޅަން ހަމަޖެހިފައިވާ ކަމަށް އެޓަރނީ ޖެނެރަލް އޮފީސް (އޭޖީ) އިން ބުނެފިއެވެ.
އޭޖީ އޮފީހުން މި ދައުރަށް ހުށަހަޅަން ގަސްދުކޮށްފައިވާ ބިލުތަކުގެ ލިސްޓު، ރައްޔިތުންގެ މަޖިލީހުގެ ގަވާއިދުގެ 82 ވަނަ މާއްދާގެ (ރ) ގައިވާ ގޮތުގެމަތިން ރައްޔިތުންގެ މަޖިލީހުގެ ރައީސަށް ހުށަހަޅާފައިވާ ކަމަށެވެ.
މި ބިލުތަކުގެ ތެރޭގައި، މުޅިން އަލަށް އެކުލަވާލަންޖެހޭ 24 ބިލަކާއި އެކި ޤާނޫނުތަކަށް ގެންނަންޖެހޭ އިޞްލާޙުތައް ގެނައުމުގެ 32 ބިލެއްވެސް ހިމެނެއެވެ.
އެ ބިލްތަކުގެ ތެރޭގައި، ބޯހިޔާވަހިކަމުގެ ބިލާއި، އާންމު ދަތުރުފަތުރުގެ ބިލާއި، ކުޑަކުދިންގެ ހައްގުތައް ރައްކާތެރި ކުރުމުގެ ގާނޫނަށް އިސްލާހު ގެނައުމުގެ ބިލާއި، ޕޭމަންޓް ސިސްޓަމްގެ ބިލާއި، މީހުން ޓްރެފިކްކުރުން ހުއްޓުވުމުގެ ގާނޫނަށް އިސްލާހު ގެނައުމުގެ ބިލާއި މީޑިޔާ ކޮމިޝަންގެ ބިލާއި، ރާއްޖެތެރޭގެ މީހުން ރަށްރަށުން، ގަލާއި، ވެއްޔާއި، އަކިރި ނެގުމާބެހޭ ބިލާއި، ނޫސްވެރިކަމުގެ ބިލާއި، ޒުވާނުން ބިނާކުރުމާއި ހުނަރުވެރިކަމުގެ ބިލުގެ އިތުރުން އާއިލާއާ ބެހޭ ގާނޫނަށް އިސްލާހު ގެނައުމުގެ ބިލް ހިމެނެއެވެ.
އެ ބިލުތަކުގެ ތެރެއިން 10 ބިލެއް މަޖިލީހަށް ހުށަހެޅުމަށްޓަކައި ރައީސުލްޖުމްހޫރިއްޔާގެ އޮފީހަށް ފޮނުވާފަައިވާ ކަމަށް ބަންޑާރަ ނައިބުގެ އޮފީހުން ބުންޏެވެ.
އެ ބިލްތަަަކަކީ:
ބިލުތަކުގެ ތެރެއިން، ނަފްސާނީ ސިއްހަތުގެ ބިލާއި، ދިވެހި ފުލުހުންގެ ޚިދުމަތުގެ ބިލާއި، ޖިނާއީ އިޖުރާއަތުގެ ޤާނޫނަށް އި ގެނައުމުގެ ބިލާއި، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ޤާނޫނަށް އިޞްލާޙު ގެނައުމުގެ ބިލާއި، ދިވެހިރާއްޖޭގެ އިމިގްރޭޝަންގެ ޤާނޫނަށް އިސްލާހު ގެނައުމުގެ ބިލާއި، ވަޒީފާއާބެހޭ ޤާނޫނަށް އިޞްލާޙު ގެނައުމުގެ ބިލު މިހާރު ރައްޔިތުންގެ މަޖިލީހަށް ހުށަހަޅާފައިވާ ކަމަށް އޭޖީ އޮފީހުން ބުންޏެވެ.
