ކ. މާލެ
|
11 ފެބްރުއަރީ 2020 | އަންގާރަ 19:27
އިކޮނޮމިކް މިނިސްޓަރ ފައްޔާޒު އިސްމާއިލް
އިކޮނޮމިކް މިނިސްޓަރ ފައްޔާޒު އިސްމާއިލް
ރާއްޖެއެމްވީ
ރޯދަމަސް
ރޯދަ މަހަށް 51 ބާވަތެއްގެ އަގު ދަށްކުރަނީ
 
އަގުހެޔޮ ކުރަނީ އަސާސީ ބޭނުންތަކަށް ބޭނުންކުރާ ތަކެތި
 
އެކަމާއި ގުޅޭ ފުރަތަމަ ބައްދަލުވުން ބުދަ ދުވަހު ބޭއްވިގެންދާނެ

އަންނަ ރޯދަމަހަށް ބެނުންވާ ތަކެތީގެ ތެރެއިން 51 އައިޓަމެއްގެ އަގު ދަށްކުރުމަށް މަސައްކަތް ކުރަމުންދާ ކަމަށް އިކޮނޮމިކް މިނިސްޓަރ ފައްޔާޒު އިސްމާއިލް ވިދާޅުވެއްޖެ އެވެ.

މާގިރި ހޮޓަލުގައި އަންގާރަ ދުވަހު ބޭއްވި ނޫސްވެރިންގެ ބައްދަލުވުމުގައި މިނިސްޓަރ ވިދާޅުވީ ރޯދަމަހަށް ބޭނުންވާ އަސާސީ ބާވަތްތައް އަގުހެޔޮކުރުމަށްޓަކައި ސަރުކަރު ހިއްސާވާ ކުންފުނި އެސްޓީއޯ މެދުވެރިކޮށް ސަޕްލައި އިތުރު ކުރުމަށް މަސައްކަތް ކުރައްވަމުން ގެންދަވާ ކަމަށެވެ.

އެއީ އަޅުގަނދޑުމެން ކޮންމެހެންނެއް މަޖުބޫރު ކޮށްގެން މިވެނި އަގެއްގައި އެއްޗިހި ވިއްކާނީ އެންމެނަށް އެންގުމުތގެ ބަދަލުގައި މާކެޓަށް އެއްޗި އިތުރު ކުރާނީ

އެހެންކަމުން އޭގެ ޒާތުގައި ޑިމާންޑް އެންޑް ސަޕްލައިގެ ދަށުން އަގު ތިރިވާނެކަމަށް މިނިސްޓަރ ވިދާޅުވިއެވެ.

އެތަކެތި ސްޓޯކް ކުރުމަށްޓަކައި ގޮތްތަކެއް ރާވާނެ ކަމަށާއި އެކަމާއި ގުޅޭ ފުރަތަމަ ބައްދަލުވުން ބުދަ ދުވަހު ބޭއްވިގެންދާނެ ކަމަށް މިނިސްޓަރ ވިދާޅުވިއެވެ.

މިދިޔަ އަހަރުގެ ރޯދަ މަހު އެންމެ އަގު އުފިލިގެން ދިޔަ ބާވަތީ "ކަނޑޫދޫ މިރުސް" ކަން ފާހަގަ ކުރައްވާ މިނިސްޓަރ ވިދާޅުވީ ވަކި ރަށެއްގެ މިރުހެއްގެ އަގު ދަށްކުރުމަކީ މިނިސްޓްރީއަށް ކުރެވޭނެ ކަމެއް ނޫން ކަމަށާއި، ނަމަވެސް ސިލޯނުން މިރުސް ގެނެސްގެން ނަމަވެސް މާރކެޓްގައި މިރުސް އަގުހެޔޮކޮށް ގަންނަން ބޭނުންވާ ފަރާތްތަކަށް ލިބޭނެ އިންތިޒާމު ހަމަޖެހިގެންދާނެ ކަމަށެވެ.

ކަނޑޫދޫ މިރުހެއް އަޅުގަނޑުމެންނަކަށް އަގެއް ހެވެއް ނުކުރެވޭނެ. އަޅުގަނޑު ގަބޫލު ކުރާ ކަމެއް ނޫން ސަރުކަރުން ވަދެ މީހުން އެއްޗިހި ދޭނެ އަގާއެއްޗިހި އަސާސީ އެއްޗެއް ނޫނިއްޔާ ކޮންޓްރޯލް ކުރަން

އެހެން މަސްތަކާއި ޚިލާފަށް ކޮންމެ އަހަރަކުވެސް ރޯދަ މަހާއި ދިމާކޮށް ކާބޯތަކެތީގެ އަގު ބޮޑުވުމުގެ ޝަކުވާ ގިނަ ބަޔަކު ކުރަމުންދެއެވެ. އަގު އުފުލިގެންދާ ތަކެތީގެ ތެރޭގައި ތަރުކާރީ އާއި، މޭވާގެ ބާވަތްތަކާއި، ބިސް އަދި މަސް ހިމެނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
9%
64%
0%
2%
16%
9%
ކޮމެންޓް