އިންޑިއާއިން އިތުރު އުޅަނދެއް ގެނައުމަށް ރާއްޖެއިން އެދިއްޖެ
7 ފެބުރުއަރީ 2020 | ހުކުރު 10:20ގުޅުން ބަދަހިކުރަން މަސައްކަތް ކުރައްވާނެ ކަމަށް ވިދާޅުވި
ޑިފެންސް މިނިސްޓަރު މާރިޔާ އަދި އިންޑިއާގެ ޗީފް އޮފް ޑިފެންސް ބިޕިން ރަވަތް
ރާއްޖެއަށް އިންޑިއާގެ، އިތުރު އުޅަނދެއް ގެނައުމަށް އެދިއްޖެ އެވެ. އެކަމަށް އެދިވަޑައިގެންނަވީ ޑިފެންސް މިނިސްޓަރު މާރިޔާ ދީދީ އެވެ.
އިންޑިއާގެ ލަކްނޯގައި ބޭއްވި ޑިފެންސް އެކްސްޕޯއަށް ވަޑައިގެން އުޅުއްވާ ޑިފެންސް މިނިސްޓަރު މާރިޔާ އިންޑިއާގެ ''ވިއޮން'' ނޫހަށް ދެއްވި އިންޓަވިއުއެއްގައި ވިދާޅުވީ، އެކްސްޕޯ ވަރަށް ކާމިޔާބު ކަމަށާއި، އިންޑިއާގެ ޗިފް އޮފް ޑިފެންސް ބިޕިން ރަވަތްއާ ބައްދަލުވެވަޑައިގެންނެވި ކަމަށެވެ.
ދެ ބޭފުޅުން ދެމެދުގައި ރަނގަޅު މަޝްވަރާތައް ކުރެވުނުކަން ފާހަގަކުރައްވަމުން މާރިޔާ ވިދާޅުވީ، ދެ ގައުމުގެ އަސްކަރިއްޔާ ދެމެދު ގުޅުން ރަނގަޅު ބަދަހި ކުުރުމަށް މަސައްކަތް ކުރައްވާނެ ކަމަށެވެ.
ހުސްވި އަހަރުގެ ޑިސެމްބަރު މަހު އިންޑިޔާއިން ވަނީ ''ކާމިޔާބު'' ކިޔާ އުޅަނދެއް ހަދިޔާކޮށްފައެވެ. މި ސަރުކާރު އައުމަށް ފަހު ރާއްޖެއިން ދަނީ އިންޑިއާ އެކު ''ގާތް'' ގުޅުމެއް ބާއްވަމުންނެވެ. އެގޮތުން އިންޑިއާއިން ދަނީ އެކި ދާއިރާތަކުން އެހީތެރިކަން ފޯރުކޮށްދެމުންނެވެ.
