ޗައިނާގައި ތިބި ދިވެހިން، ސަރުކާރު ޚަރަދުގައި ރާއްޖެ ގެންނަން ރައީސުލްޖުމްހޫރިއްޔާ ނިންމަވައިފި
ރާއްޖެ އަންނަން ބޭނުންވާ ފަރާތްތަކުން ޗައިނާގައި ހުންނަ ރާއްޖޭގެ އެމްބަސީ އާ ގުޅުމަށް ވަނީ މިނިސްޓާރ އެދިވަޑައިގަންފައި
ރައީސުލްޖުމްހޫރިއްޔާ ވަނީ ޗައިނާގައި ތިބި ދިވެހިން ރާއްޖެ ހިލޭ ގެނައުމަށް ނިންމަވާފައި
ޗައިނާގައި ތިބި ދިވެހިން ސަރުކާރު ޚަރަދުގައި ރާއްޖެ ގެނައުމަށް ރައީސުލްޖުމްހޫރިއްޔާ ނިންމަވާފައިވާކަމަށް ފޮރިން މިނިސްޓަރ ޢަބްދުﷲ ޝާހިދު ވިދާޅުވެއްޖެ އެވެ.
މިނިސްޓާރ ވިދާޅުވީ ޗައިނާގެ ފަސް ޞަރަޙައްދެއްކަމަށްވާ ޝިއާން، ކޮންޒޫ ، ނަންޖިންގ، ޗެންދޫ އަދި ޗޮންކިންގ އިން ދިވެހިން ގެނައުމުގެ މަސައްކަތް ކުރަމުންދާނެ އެވެ. އަދި ރާއްޖެ އަންނަން ބޭނުންވާ ފަރާތްތަކުން ޗައިނާގައި ހުންނަ ރާއްޖޭގެ އެމްބަސީ އާ ގުޅުމަށް ފޮރިން މިނިސްޓަރ ވަނީ އަންގާފައެވެ.
ޗައިނާގައި ތިިބި ދިވެހިން ސަރުކާރުގެ ޚަރަދުގައި ރާއްޖެއަށް ފުރުޞަތު ދޭން ރައީސް ނިންމެވިއިރު ޗައިނާގައި ހަލުވި ކަމާއެކު ނޮވެލް ކޮރޯނާ ވައިރަސް އަންނަނީ ފެތުރެމުންނެވެ. ޗައިނާގެ ވުހާން އިން މިވައިރަސް އެންމެ ފުރަތަމަ ފެނިފައިވާއިރު، މިވައިރަސް އެންމެ ބާރަށް ފެތުރެނީވެސް ވުހާން ސިޓީގައެވެ. އެހެންކަމުން ޗައިނާ ސަރުކާރުން ވަނީ ވުހާން އިން ނިކުތުން އެއްކޮށް މަނާކޮށްފަ އެވެ. ވުހާންގައި ދިވެހިންގެ ހަތް މީހުން ތިބި ކަމަށް ފޮރިން މިނިސްޓްރީން ބުނެއެވެ.
މީގެއިތުރުން ޗައިނާގައި ދިރިއުޅޭ އެހެން ޤައުމުތަކުގެ ރައްޔިތުން އަނބުރާ ގެނައުމުގެ މަސައްކަތް އެޤައުމުތަކުން ދަނީ ކުރަމުންނެވެ. އެގޮތުން މިހާތަނަށް 7 ޤައުމަކުން ވަނީ އެޤައުމުތަކުގެ ރައްޔިތުން ގެނައުމުގެ އަމަލީ މަސައްކަތް ވަނީ ފަށާފައެވެ.
ދުނިޔޭގެ އެކި ޤައުމުތަކުން ވެސް މި ބަލި ފެންނަމުން އަންނައިރު، މިހާތަނަށް 4610 އަށްވުރެ ގިނަ މީހުން މި ބައްޔަށް ވަނީ ޕޮޒިޓިވްވެފައެވެ. އަދި މި ބަލި ޖެހިގެން މިހާތަނަށް 106 މީހަކު ވަނީ މަރުވެފަ އެވެ.
