ރާއްޖެ
ކަނޑުވެފައިތިބި ބަޔަކު ސަލާމަތް ކުރުން
ކަނޑުވެފައި ތިބި ހަތަރު މީހަކު ސަލާމަތްކޮށްފި
މިކަމެއް ހިނގާފައިވަނީ ކ. އިތާފުށި ކައިރިން
މުހައްމަދު ފަޒީން, ރާއްޖެ އެމްވީ | 22 ޖެނުއަރީ 2020 | ބުދަ 11:54
އެމްއެމްޑީއެފް ކޯސްޓްގާޑު
ދޯންޏެއް އަޑިއަށް ގޮސް، ކަނޑުވެފައި ތިބި ހަތަރު މީހަކު ސަލާމަތްކޮށްފި އެވެ.
އެމްއެންޑީއެފުން ބުނީ ހަތަރު މީހުންނާއި އެކު ދަތުރުކުރި ދޯންޏެއް ކ. އިތާފުށި ކައިރިޔަށް އަޑިޔަށް ދިޔަ ކަމުގެ ރިޕޯޓް ލިބިފައިވަނީ ބުދަ ދުވަހު ހެނދުނު 10:25 ހާއިރު ކަމަށެވެ.
އެ އުޅަނދަކީ 40 ފޫޓުގެ ކުޑަ ދޯންޏެއް ކަމަށާއި އެ މީހުން ކަނޑުވެފައި ތިއްބާ އެ ސަރަހައްދުން ދަތުރުކުރި ޑައިވިން ދޯންޏަކަށް ފެނިގެން އެމީހުން ނަގާފައިވާކަމަށް ވެސް އެމްއެންޑީއެފުން ބުނެއެވެ.
މި އެންމެންގެ ހާލުވެސް ރަނގަޅު ކަމަށް އެމްއެންޑީއެފުން މައުލޫމާތުދެއެވެ.
