ޚާއްސަކޮށް ކުޑަކުދިން ޝައުގުވެރިވާގޮތަށް ފަރުމާކޮށްފައިވާ ރެސްޓައުރެންޓް ވެލަރިސް ޓޭސްޓް ރެސްޓައުރެންޓް ހުޅުވައިފިއެވެ.
ޗާންދަނީ މަގުގައި ހުންނަ މިރެސްޓައުރެންޓް ހުޅުއްވައިދެއްވީ މިނިސްޓަރ އޮފް ނެޝަނަލް ޕްލޭނިންގް އެންޑް އިންފްރާސްޓްރަކްޗަރ މުޙައްމަދު އަސްލަމްއެވެ.
ވެލަރިސް ޓޭސްޓްގެ އޯނަރު އައިމިނަތު ސަމާހަތު ހުސެއިން ބުނީ މާލޭގެ ގިނަ ރެސްޓައުރެންޓްތަކުގައި ކުޑަ ކުދިންނަށް އެކަށީގެންވާ މާހައުލެއް ނުލިބޭ ކަމަށާއި، ނަމަވެސް ވެލަރިސް ޓޭސްޓް ރެސްޓައުރެންޓުން ލިބޭނެ ކަމަށެވެ. އަދި މިއީ އާއިލާއެކު އުފާވެރި ވަގުތުކޮޅެއް ހޭދަކުރުމަށް އެންމެ އެކަށީގެންވާ ރެސްޓައުރެންޓް ކަމަށް ސަމާހަތު ބުންޏެވެ.
ވާހަކަ ފޮތް ކިއުމުގެ ފުރުސަތު ލިބޭކަން ފާހަގަކޮށް ސަމާހަތު ބުނީ ހޮނިހިރު ދުވަހުގެ ހެނދުނުގެ ވަގުތެއްގައި ކުޑަ ކުދިންނަށް ޚާއްސަކޮށް ވާހަކަ ކިޔާދިނުމުގެ ޕްރޮގްރާމެއް ވެސް ހިންގާނެ ކަމަށާއި، އެންމެ ފަހުގެ މައުލޫމާތުތައް ރެސްޓައުރެންޓްގެ ފޭސްބުކް ޕޭޖުން ފެންނާނެ ކަމަށެވެ.
މީގެ އިތުރުން ސަމާހަތު ބުނީ ރެސްޓައުރެންޓުން ތަފާތު ވައްތަރުގެ ކޮފީތަކާއި، ލުއި ބުއިންތަކުގެ އިތުރުން ތަފާތު ކެއުންތައް ވެސް ލިބޭނެ ކަމަށެވެ. އަދި މިރެސްޓުރެންޓުގައި ޒުވާނުންނަށް ވެސް އުފާވެރި ވަގުތުތަކެއް ހޭދަ ކުރެވޭނެ ކަމަށެވެ.
ކުޑަކުދިން ވީހާ ވެސް ބޮޑަށް ގަޔާވާ ގޮތަށް ކަންތައްތައް ހަމަޖެއްސުމަކީ މައިގަނޑު ސަބަބު. ކުޑަ ކުދިންނަށް ވާހަކަ ކިޔުމުގެ ހުނަރާއި، ފޮތަށް ޝައުގުވެރިކުރުމުގެ ހުނަރު ކެއުމުގެ ތެރެއިން އެކުދިންނަށް ހޯދާއިދޭން ބޭނުންވޭ. އެފުރުސަތު މިރެސްޓައުރެންޓުން ލިބޭނެ. އެގޮތުން އަޅުގަނޑުމެން ވިސްނުން އެބައޮތް ކޮންމެ ހުކުރެއް ނޫނީ ހޮނިހިރެއްގައި ވާހަކަ ކިޔާދޭ ގޮތަށް ހަމަޖައްސަން. ވަގުތު އަދި ކަނޑައަޅާ ފޭސްބުކް ޕޭޖުގައި އަޕްޑޭޓް ކުރާނަންވެލަރިސް ޓޭސްޓްގެ އޯނަރު ސަމާހަތު
ވެލަރިސް ޓޭސްޓް ހުޅުވާފައި ހުންނާނީ ހެނދުނު 9:30 އިން ރޭގަނޑު 10:30 އަށްށެވެ.
