ކޮސްގިނަ މިސްޓޭކް، ޕްރޮޑިއުސަރ ޝަފީގް ގަނެފި

ވީމީޑިއާގެ ދެވަނަ ފީޗަރ ފިލްމު "ކޮސް ގިނަ މިސްޓޭކް" ޕްރޮޑިއުސަރ އިސްމާއިލް ޝަފީގް ގަނެފިއެވެ.

ޝަފީގް ބުނީ، އެ ފިލްމުގެ ސްޓްރީމިން ފިޔަވާ ހުރިހާ ރައިޓްސް އެއް ގަނެފައިވާ ކަމަށެވެ. އެ ފިލްމު އަދި ރިލީޒް ކޮށްފައިނުވާއިރު، މީގެކުރިން މި ހިނގާ މަހުގެ ޖެނުއަރީ މަހު ފިލްމު އެޅުވުމުގެ މަސައްކަތް ކުރަމުންދާކަމަށް ޝަފީގް ވަނީ ބުނެފައެވެ. މި ފިލްމަކީ ޝަފީގް ޕްރޮޑިއުސްކޮށް ޔޫސުފް ޝަފީއު ޑައިރެކްޓް ކުރާ ފިލްމެކެވެ.

އެ ފިލްމަކީ އދ. ފެންފުށީގައި ޝޫޓްކޮށްފައިވާ ހެއްވާ މަޖާ މަންޒަރުތަކެއް ދައްކުވައިދޭ ފިލްމެކެވެ.

ފިލްމުގެ ޓީޒާ ޓްރެއިލާ އެއް މީގެ ކުރިން ބެލުންތެރިންނަށް ދޫކޮށްލާފައިވާއިރު އެ ޓީޒަރ އަށް ބޮޑު ތަރުހީބެއް ލިބިގެން ދިޔަކަން ފާހަގަކޮށްލެވެއެވެ. ފިލްމުގައި ހިމެނޭ ބައެއް ލަވަތަކުގެ މަންޒަރުތަކާއެކު އެ ޓީޒަރ އާންމުކޮށްފައިވާއިރު އެ ފިލްމުގައި ހިމެނެނީ ހުސް ކޮޕީ ރާގުކަން ފާހަގަކޮށްލެވެއެވެ.

ގިނަ ތަރިން ހިމަނައިގެން އުފައްދާ އެ ފިލްމުގެ މައި ރޯލުތަކުން 14 ތަރިން ފެންނާނެއެވެ. އޭގެ ތެރޭގައި ހާމިދު އަލީ، އަހްމަދު އީސާ، އިރްފާނާ އިބްރާހީމް، މަރިޔަމް އައްޒަ، ނުޒުހަތު ޝުއައިބް، އަހުމަދު ނިމާލް، އަލީ އާޒިމް، އިބްރާހިމް ޝާފިއު، ގުލިސްތާން މުހައްމަދު، އަލީ ސީޒަން، އަހުމަދު ސައީދު، އައިޝަތު ލަހުފާ، މުހައްމަދު ނަވާލް އަދި ޔޫއްޕެ ހިމެނެއެވެ.