އީރާނުގެ ގެ ފޮރިން މިނިސްޓަަރަށް ވިސާ ދޭން އެމެރިކާއިން ދެކޮޅު
7 ޖެނުއަރީ 2020 | އަންގާރަ 08:47ވިސާ ނުދީ ހިފަހައްޓާފައިވަނީ ދެގައުމުގެ ގުޅުން އިތުރަށް ގޯސްވުމާއި ގުޅިގެން
އިރާންގެ ފޮރިން މިނިސްޓަރު މުހައްމަދު ޖަވާދު ޒާރިފް
ބުރާސްފަތި ދުވަހު އޮންނަ ޔުނައިޓެޑް ނޭޝަންސް ސެކިއުރިޓީ ކައުންސިލް ބައްދަލުވުމަށް ވަޑައިގަތުމަށް އިރާނުގެ ފޮރިން މިނިސްޓަރު މުޙައްމަދު ޖަވާދު ޒާރިފަށް ވިސާ ދިނުމަށް އެމެރިކާއިން ދެކޮޅު ހަދައިފިއެވެ.
ޔޫއެންގެ ސެކިއުރިޓީ ކައުންސިލް ބައްދަލުވުން އޮތީ އެމެރިކާގެ ނިއުޔޯކްގައި މި ހަފުތާގެ ބުރާސްފަތި ދުވަހުއެވެ.
ނަން ނުޖެހުމަށް ޝަރުޠުކޮށް ނޫސްތަކަށް މަޢުލޫމާތުދިން އެމެރިކާގެ އޮފިޝަލަކު ބުނީ އީރާންގެ ފޮރިން މިނިސްޓަރަށް ވިސާ ދިނުމަށް ދެކޮޅު ހަދާފައިވަނީ އެމެރިކާއިން އީރާނުގެ މިލިޓަރީ ކޮމާންޑަރު ޤާސިމް ސުލައިމާނީ މަރާލި މައްސަލައާއި ގުޅިގެން ދެޤައުމުގެ ދެމެދުގައި ނުތަނަވަސްކަން ވެރިވެފައިވާތީ ކަމަށެވެ.
ޔޫއެންގެ ހެޑްކުއާޓަރ އެގްރީމެންޓްގައިވާ ގޮތުން، ބޭރުގެ ޑިޕްލޮމޭޓުންނަށް އެޤައުމަށް އެތެރެވުމުގެ ހުއްދަ އެމެރިކާއިން ދޭންޖެހެއެވެ. ނަމަވެސް ވޮޝިންގޓަނުން ބުނެފައިވަނީ ޤައުމުގެ ސަލާމަތާއި، ޓެރަރިޒަމް އަދި ފޮރިން ޕޮލިސީއާއި ގުޅުން ހުރި ކަންކަމުގެ ސަބަބުން ވިސާ ނުދީ ހިފަހެއްޓިދާނެ ކަމަށެވެ.
