811 މޫވްމެންޓާއެކު ވެލާނާ އެއާޕޯޓުން އާ ޓްރެފިކް ރިކޯޑެއް ގާއިމްކޮށްފި

އާ އަހަރާދިމާކޮށް ވެލާނާ އިންޓަނޭޝަނަލް އެއާޕޯޓުގައި އެތައް ސަތޭކަ ފުލައިޓެއް ޖައްސާފައިވާއިރު، އާދީއްތަ ދުވަހު އެކަނި 811 މޫވްމެންޓް އެއާޕޯޓުގައި ހިނގާފައިވާކަމަށް ވެލާނާ އިންޓަނޭޝަނަލް އެއާޕޯޓު (ވީއައިއޭ) އިން ބުނެފިއެވެ.

ވީއައިއޭއިން ބުނީ މިއީ އާ ޓްރެފިކް ރެކޯޑެއް ކަމަށެވެ. އެގޮތުން 252 ރަންވޭ މޫމެންޓާއި، 559 ސީޕްލޭން މޫމެންޓާއެކު ޖުމްލަ 811 މޫމެންޓް ހިނގާފައިވާ ކަމަށެވެ. ވީއައިއޭއިން ބުނީ އެއާލައިންތަކުގެ ސަލާމަތާއި ރައްކާތެރިކަމަކީ އެންމެ އިސްކަމެއްދޭ ކަންތައް ކަމަށާއި، މުވައްޒަފުންނާއި، ސްޓޭކް ހޯލްޑަރުންނަށް މިކަމުގައި ޝުކުރުއަދާ ކުރާ ކަމަށެވެ.

އާ އަހަރާ ދިމާކޮށް އެތައްސަތޭކަ ފުލައިޓެއް ވެލަނާ އެއާޕޯޓުގައި ޖައްސާފައިވާއިރު، އެއްމެ ރަންވޭއެއް ބޭނުންކުރަން ޖެހުމުގެ ސަބަބުން ފުލައިޓްތައް ޑިލޭވުމުގެ މައްސަލަތައް ދިމާވެ, ބައެއް ފުލައިޓްތައް އެހެން އެއާޕޯޓްތަކަށް ޑައިވާޓްވެސް ކުރަން ޖެހުނެވެ.

ވެލާނާ އިންޓަރނޭޝަނަލް އެއާޕޯޓުން ބުނެފައިވަނީ މި އަހަރުގެ ތެރޭގައި އާ ރަންވޭ ބޭނުންކުރަން ފަށާނެ ކަމަށެވެ. އެއާއެކު ފުލައިޓް ޑިލޭވުމާއި ޖެއްސުމުގައި ދިމާވާ މައްސަލަތަކަށް ހައްލެއް ލިބިގެންދާނެ ކަމަށެވެ.