ކ. މާލެ
|
6 ޖެނުއަރީ 2020 | ހޯމަ 20:48
އެވެޓަން އަދި ލިވަރޕޫލް ބައްދަލުކުރި މެޗުގެ ތެރެއިން
އެވެޓަން އަދި ލިވަރޕޫލް ބައްދަލުކުރި މެޗުގެ ތެރެއިން
ގެޓީ އިމޭޖަސް
އެފްއޭ ކަޕް
އެވެޓަން ބަލިކޮށް ލިވަރޕޫލުން އެފްއޭ ކަޕްގެ ހަތަރުވަނަ ބުރުން ޖާގަ ހޯދައިފި
 
މި މެޗު ނިމިގެންދިޔައީ 1-0 ގެ ނަތީޖާ އަކުން

އިނގިރޭސި އެފްއޭ ކަޕްގައި ޒުވާން ޓީމަކާއިއެކު ނިކުތް ލިވަރޕޫލުން އެވެޓަން ބަލިކޮށް އެފްއޭ ކަޕްގެ ހަތަރުވަނަ ބުރުން ޖާގަ ހޯދައިފިއެވެ.

ލިވަރޕޫލްގެ ދަނޑުގައި ކުޅުނު މި މެޗު ލިވަރޕޫލުން ކާމިޔާބުކުރީ 1-0 ގެ ނަތީޖާ އަކުންނެވެ.

ލިވަރޕޫލްގެ ކުރިޔަށް ކުޅެމުން އަންނަ ސާޑިއޯ މާނޭ އާއި މިސްރުގެ ފޯވާޑް މުހައްމަދު ސަލާހް އަދި ބްރެޒިލްގެ ފޯވާޑް ފިރްމީނިއޯ އާއި ނުލައި ލިވަރޕޫލުން ކުޅުނު މި މެޗު ފަށައިގެން އެޓީމުން ވަނީ މޮޅު އެޓޭކިންގ ގޭމެއް ކުޅެފައެވެ. އެގޮތުން މެޗުގެ 20 ވަނަ މިނެޓުގައި ލިވަރޕޫލްގެ އެޑަމް ލަލައިނާ އަށް ވަނީ ހުސް ފުރުސަތެއްލިބި ބޭކާރުވެފައެވެ. އޭނާ ފޮނުވައިލި ބޯޅަ ގޯލާ އަމާޒުނުވެ ދިޔައީ ބޭރަށެވެ. މީގެ އިތުރުން މެޗުގެ 33 ވަނަ މިނެޓުގައި ލިވަރޕޫލްގެ ކާޓިސް ޖޯންސް ވަނީ ނުރައްކާތެރި ހަމަލާއެއް އެވެޓެންގެ ގޯލަށް ފޮނުވައިލައިފައެވެ. ނަމަވެސް އޭނަ ފޮނުވައިލި ހަމަލާ ދިޔައީ އަރިމަތީ ދަނޑި ކައިރިން ބޭރަށެވެ.

މެޗުގެ ފުރަތަމަ ހާފު ނިމިގެންދިޔައީ 0-0 ގެ ނަތީޖާއަކުންނެވެ.

މެޗުގެ ދެވަނަ ހާފު ފަށައިގެން ވެސް ލިވަރޕޫލުން ވަނީ އެވެޓަންގެ ގޯލަށް ނުރައްކާ ކޮށްފައެވެ. އެގޮތުން މެޗުގެ 52 ވަނަ މިނެޓުގައި ނެކޯ ވިލިއަމްސް ފޮނުވައިލި ބޯޅަ އެވެޓަންގެ ކީޕަރު ހުށިޔާރުކަމާއިއެކު ވަނީ ދިފާއުކޮށްފައެވެ. މެޗުގެ 71 ވަނަ މިނެޓުގައި ލިވަރޕޫލުން ވަނީ ލަނޑު ޖަހާ ލީޑު ނަގައިފައެވެ. މި ލަނޑު އެޓީމަށް

ކާމިޔާބުކޮށްދިނީ ކާޓިސް ޖޯންސްއެވެ. މި ލަނޑަށްފަހު ވެސް ލިވަރޕޫލަށް ލަނޑު ޖަހަންވަނީ ފުރުސަތުތަކެއް ލިބި ބޭކާރުވެފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް