ލެސްޓާ ސިޓީން ނިއުކާސްޓަލް ޔުނައިޓެޑް ފަސޭހަކަމާއެކު ބަލިކޮށްފި

އިނގިރޭސި ޕްރިމިއަރ ލީގުގަ ލެސްޓަ ސިޓީން ފަސޭހަ ކަމާއިއެކު ނިއުކާސްލް ޔުނައިޓެޑް ބަލިކޮށްފިއެވެ.

ނިއުކާސްލް ޔުނައިޓެޑުގެ ދަނޑުގަ ކުޅުނު މި މެޗު ލެސްޓާއިން ކާމިޔާބުކުރީ 3-0 ގެ ނަތީޖާއަކުންނެވެ.

މެޗު ފަށައިގެން ލެސްޓާއިން ނިއުކާސްލް ޔުނައިޓެޑުގެ ގޯލަށް ނުރައްކާކޮށް ގިނަ ހަމަލާތަކެއް އުފައްދާފައިވާއިރު، މެޗުގެ 15 ވަނަ މިނެޓުގަ ލެސްޓާގެ ޔޫރީ ފޮނުވާލި ހަމަލާ ނިއުކާސްލް ޔުނައިޓެޑުގެ ކީޕަރު ވަނީ ހުޝިޔާރުކަމާއެކު ދިފާއުކޮށްފައެވެ.

މެޗުގެ 36 ވަނަ މިނެޓުގަ ލެސްޓާއިން ވަނީ ލަނޑު ޖަހާ މެޗުގެ ލީޑު ނަގާފައެވެ. މި ލަނޑު އެޓީމަށް ކާމިޔާބު ކޮށްދިނީ އަޔޯޒް ޕެރޭޒްއެވެ. އޭގެ ތިން މިނެޓު ފަހުން ލެސްޓާއިން ވަނީ އިތުރު ލަނޑެއް ޖަހާ ލީޑު ފުޅާ ކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ ޕެރޭޒްގެ އެހީތެރިކަމާއި އެކު ޖޭމްސްއެވެ.

މި މެޗުގެ ފުރަތަމަ ހާފު ނިމިގެންދިޔައީ 2-0 ގެ ނަތީޖާއަކުންނެވެ.

މެޗުގެ ދެވަނަ ހާފު ފަށައިގެން ވެސް ލެސްޓާއިން ދިޔައީ ނިއުކާސްލްގެ ގޯލަށް އަމާޒުކޮށް ގިނަ ހަމަލާތަކެއް އުފައްދާފައެވެ. އެގޮތުން މެޗުގެ 55 ވަނަ މިނެޓުގައި ލެސްޓާގެ ޖޭމްސް ވަނީ އޭރިޔާ ބޭރުން ބާރު ހަމަލާއެއް ލެސްޓާގެ ގޯލަށް ފޮނުވައިލައިފައެވެ. މި މެޗުގަ ލެސްޓާއިން ޖެހި ފަހު ލަނޑު މެޗުގެ 87 ވަނަ މިނެޓުގައި އެޓީމަށް ކާމިޔާބުކޮށްދިނީ ހަމްޒާއެވެ.

މި ނަތީޖާއާއެކު ލެސްޓާއިން ލީގު ތާވަލުގެ ދެވަނައިގައި އޮތީ ކުޅުނު 21 މެޗުން ލިބުނު 45 ޕޮއިންޓާއެކުގައެވެ. ލީގު ތާވަލުގެ އެއްވަނައިގަ އޮތް ލިވަރޕޫލަށް 19 މެޗުން 55 ޕޮއިންޓު ލިބިފައިވާއިރު ލީގު ތާވަލުގެ ތިން ވަނައިގަ އޮތް އެންމެ ފަހުގެ ޗެމްޕިއަން މެންޗެސްޓަރ ސިޓީއަށް ލިބިފައިވަނީ 21 މެޗުން 44 ޕޮއިންޓެވެ.