ޗައިނާ ސަރުކާރުގެ ސްކޮލަރޝިޕަށް ކުރިމަތިލުމުގެ ފުރުސަތު ހުޅުވާލައިފި
ސްކޯލާޝިޕް ހުޅުވާލާފައިވަނީ މާސްޓާސް އަދި ޕީއެޗްޑީން
ގައުމީ ޔުނިވަރސިޓީގެ ދަރިވަރުންތަކެއް
ޗައިނާ ސަރުކާރުގެ ސްކޮލަރޝިޕަށް ކުރިމަތިލުމުގެ ފުރުޞަތު މިނިސްޓްރީ އޮފް ހަޔަރ އެޑިއުކޭޝަނުން ހުޅުވާލައިފިއެވެ.
ހަޔަރ އެޑިއެކޭޝަން މިނިސްޓްރީން ބުނީ ޗައިނީޒް ސްކޮލަރޝިޕް ކައުންސިލުން ފުރުޞަތުދޭ ދާއިރާތަކުގެ ތެރެއިން ސްކިލް ޝޯޓޭޖް ލިސްޓުގައި ހިމެނިފައިވަނީ ދެ ދާއިރާއެއް ކަމަށެވެ. އެއީ މާސްޓާރސް އަދި ޕީއެޗްޑީކަމަށެވެ.
ހަޔަރ އެޑިއުކޭޝަނުން ވަނީ މި ސްކޯލަރޝިޕްގެ ތެރެއިން އެދޭ ކޯހަކާ ގުޅޭ ޝަރުޠުތަކުގެ އިތުރުން، އިތުރު 4 ޝަރުޠެއް ކެންޑިޑޭޓުންގައި ފުރިހަމަވާނެކަމަށް ބުނެފައެވެ. އޭގެ ތެރޭގައި ތަޢުލީމު ޙާޞިލުކުރުމަށް ސަރުކާރުން ނުވަތަ ސަރުކާރު މެދުވެރިވެގެން އެހީ ލިބިފައިވާނަމަ އެންމެ ފަހުގެ އެހީއަށްފަހު، ސްކޮލަރޝިޕަށް ކުރިމަތިލުމުގެ ސުންގަޑިއަށް، ތިރީގައިވާ މުއްދަތަށް ދިވެހިރާއްޖެއަށް ޚިދުމަތްކޮށްފައިވުން ހިމެނެއެވެ.
އަދި މި ޝަރުޠުގެ ތެރެއިން ފުލް ސްކޮލަރޝިޕެއްނަމަ މަދުވެގެން 2 އަހަރު ދުވަސް، ޕާޝަލް ސްކޮލަރޝިޕެއް ނަމަ މަދުވެގެން 1.5 އަހަރު އަދި ލޯނު އެހީއެއްނަމަ މަދުވެގެން 1 އަހަރު ވާންޖެހޭނެކަމަށް ބުނެފައިވެއެވެ.
މީގެ އިތުރުން މިނިސްޓްރީ އޮފް ހަޔަރ އެޑިޔުކޭޝަން ނުވަތަ އެ ޑިޕާރޓްމަންޓް މެދުވެރިވެގެން ކިޔެވުމަށް ލޯނެއް ނަންގަވާފައިވާނަމަ އެ ލޯނެއް އަނބުރާ ދައްކާ ޚަލާސްކޮށްފައިވުމާއި، އެދޭ ކޯހަކީ މިހާރު ފުރިހަމަކޮށްފައިވާ ކޯހަކަށް ވުރެ މަތީ ފެންވަރުގެ ކޯހަކަށްވުމާއި، އެދޭ ކޯހެއް ފެންވަރެއްގެ ކޯހެއް ދައުލަތުގެ ޚަރަދުގައި މިހާރު ފުރިހަމަ ކުރަމުންދާ ދަރިވަރެއް ކަމުގައިވެސް ނުވުން ޝަރުޠުތަކުގެ ތެރޭގައި ހިމެނެއެވެ.
އަދި މިނިސްޓްރީން ކޮށްފައިވާ އިޢުލާނާއެކު މި މިނިސްޓްރީގެ ވެބްސައިޓަށް އަޕްލޯޑް ކުރެވިފައިވާ ކޯހުގެ އިންފޮމޭޝަން ޝީޓުގަ އިތުރު ޝަރުޠެއް ވާނަމަ އެޝަރުޠު ފުރިހަމަވުން ވެސް ހިމެނެއެވެ.
މި ސްކޮލަރޝިޕަށް ކުރިމަތިލުމުގެ މުއްދަތު ހަމަވާނީ މި މަހުގެ 16 ވަނަ ދުވަހުއެވެ. އަދި މި ސްކޯލަރޝިޕާ ބެހޭ މަޢުލޫމާތު މިނިސްޓްރީގެ ވެބްސައިޓުން ލިބެން ހުންނާނެކަމަށް މިނިސްޓްރީން ބުނެއެވެ.
