ނޯވިޗް އިން މޮރީނިއޯގެ ޓޮޓެންހަމް މޮޅުވިޔަނުދީ ހިފަހައްޓައިފި

އިނގިރޭސި ޕްރިމިއަރ ލީގުގަ ނޯވިޗް ސިޓީއާއި ޓޮޓެންހަމް ހޮޓްސްޕަރ ބައްދަލުކުރި މެޗު އެއްވަރުވެގެން ނިމިއްޖެއެވެ.

ނޯވިޗްގެ ދަނޑުގަ ކުޅުނު މި މެޗު އެއްވަރުވެގެން ދިޔައީ 2-2 ގެ ނަތީޖާ އަކުންނެވެ.

މެޗު ފަށައިގެން ނޯވިޗުން ދިޔައީ ޓޮޓެންހަމްގެ ގޯލަށް ނުރައްކާކޮށް ހަމަލާ އުފައްދަމުންނެވެ. އެގޮތުން މެޗުގެ 18 ވަނަ މިނެޓުގައި ލަނޑު ޖަހާ ލީޑު ނެގިއެވެ. މި ލަނޑު އެޓީމަށް ކާމިޔާބުކޮށްދިނީ މާރިއޯ ވަރަނިޗް އެވެ. މި ލަނޑަށްފަހު ވެސް ނޯވިޗްއިން ގެންދިޔައީ ފުލުފުލުގައި ޓޮޓެންހަމްގެ ގޯލަށް ނުރައްކާ ކުރަމުންނެވެ. އެގޮތުން މެޗުގެ 33 ވަނަ މިނެޓުގައި ނޯވިޗްގެ ތީމް ޕުއްކި ލަނޑުޖެހި ނަމަވެސް ވީއޭއާރް ބެލުމަށްފަހު އޭނާ ޖެހީ އޮފްސައިޑްގައި ހުރެ ޖެހި ލަނޑެއް ކަމަށް ވަނީ ނިންމައިފައެވެ.

މެޗުގެ ފުރަތަމަ ހާފު ނިމިގެން ދިޔައީ 1-0 ގެ ނަތީޖާއަކުން ނޯވިޗް ކުރީގަ އޮވެގެންނެވެ.

މެޗުގެ ދެވަނަ ހާފުގައި ޓޮޓެންހަމް އިން އެޓީމުގެ ކުޅުން ރަނގަޅު ކުރިއިރު މެޗުގެ 55 ވަނަ މިނެޓުގައި ޓޮޓެންހަމް އިން ވަނީ ލަނޑު ޖަހާ ލީޑު ފުޅާކޮށްފައެވެ. މި ލަނޑު އެޓީމަށް ކާމިޔާބުކޮށް ދިނީ ކްރިސްޓެން އެރިކްސެންއެވެ. މެޗުގައި ނޯވިޗް އިން ކާމިޔާބުކުރި ދެވަނަ ލަނޑަކީ ޓޮޓެންހަމް ކުޅުންތެރިއެއްގެ އަތުން ބައިކޮޅަށް ވަތް ލަނޑެކެވެ. ނޯވިޗްގެ ދެވަނަ ލަނޑާއެކު ޓޮޓެންހަމްގެ ފޯވާޑް ލައިންގައި ތިބި ކުޅުންތެރިންގެ ބޭނުން ހިފައި ޓޮޓެންހަމް އިން ވަނީ ފުލުފުލުގަ ނޯވިޗްގެ ޑިފެންސަށް ބާރުބޮޑު ކޮށްފައެވެ. ޓޮޓެންހަމް އިން މެޗު އެއްވަރުކުރި ލަނޑު މެޗުގެ 83 ވަނަ މިނެޓުގައި އެޓީމަށް ކާމިޔާބުކޮށް ދިނީ ލިބުނު ޕެނަލްޓީއަކުން ކެޕްޓަން ހެރީ ކޭންއެވެ.

މި ބައްޔާއެކު ޓޮޓެންހަމްއިން އޮތީ ލިބުނު 30 ޕޮއިންޓާ އެކު ލީގު ތާވަލުގެ ހަ ވަނައިގައެވެ. ލީގު ތާވަލުގެ އެއްވަނައިގަ އޮތް ލިވަރޕޫލަށް 52 ޕޮއިންޓް ލިބިފައިވާއިރު، ދެވަނައިގަ އޮތް ލެސްޓަރއަށް ލިބިފައިވަނީ 42 ޕޮއިންޓެވެ.