އެކްޝަން ކޮމެޑީ ފިލްމް "ޑިޝޫމް" ގެ ސީކުއެލް "ޑިޝޫމް2" ގެ އަންނަ އަހަރު ފަށާނެ ކަމަށް ރިޕޯޓުތައް ބުނެފިއެވެ.

ރިޕޯޓުތައް ބުނާ ގޮތުން މި ފިލްމުގައި ލީޑް ރޯލުން ފެނިގެންދާނީ ވަރުން ދަވަން، ޖޯން އަބްރަހަމް އަދި ޖެކުލިން ފެނާންޑޭޒް އެވެ.

މި ފިލްމަކީ ޑިޝޫމްއާއި މުޅިން ތަފާތު ވާހަކައެއްގެ މައްޗަށް ބިނާކޮށް ތައްޔާރުކުރާ ފިލްމެކެވެ. މި ފިލްމުގައި ވަރުން އާއި ޖޯން ފެނިގެންދާނީ ސިފައިންގެ މީހުންގެ ރޯލުންނެވެ. އެމީހުން މަސައްކަތް ކުރަމުންދާނީ ޔޫއޭއީގައި ކުޅޭ ކުރިކެޓު މެޗެއް ފެށުމުގެ 48 ގަޑިއިރު ކުރިން އިންޑިއާގެ ކުރިކެޓް ކުޅުންތެރިއަކު ކިޑްނެޕް ކުރުމުން އޭނާ ހޯދުމަށެވެ.

ޑިޝޫމް2 އަކީ ޑިޝޫމްގެ ވެސް ޑައިރެކްޓަރ އަދި ވަރުންގެ ބޭބެ ރޯހިތް ދަވަން ޑައިރެކްޓް ކުރާ ފިލްމެކެވެ. މި ފިލްމުގެ ޝޫޓިންތައް ނެގުމަށް ހަމަޖެހިފައިވަނީ އިންޑިއާގެ އިތުރުން އެހެން ޤައުމެއްގައެވެ.

މި ފިލްމުގެ ޝޫޓިންތައް ފެށުމުގެ ކުރިން ޝަޝާންކް ކެއިތަންގެ ފިލްމް " މިސްޓަރ ލޭލޭ" ގެޝޫޓންތައް ވަރުން ނިންމާނެ ކަމަށް ރިޕޯޓުތައް ބުނެއެވެ. މި ފިލްމުގައި ވަރުން އާއި އެކު ފެނިގެންދާނީ ބޫމީ ޕަދްނޭކަރު އަދި ކިއާރާ އަދުވާނީ އެވެ. މިދުވަސްކޮޅު ވަރުން ދަނީ އޭނާގެ އަންނަން އޮތް ފިލްމު "ސްޓްރީޓް ޑާންސަރ 3ޑީ" ގެ ޕްރޮމޯޝަން މަސައްކަތުގައި ޙަރަކާތްތެރިވަމުންނެވެ. މި ފިލްމްގައި ވަރުން އާއި އެކު ފެނިގެންދާނީ ނޯރާ ފަތޭހީ އަދި ޝްރައްދާ ކަޕޫރެވެ.