އެވެޓަން ޗެމްޕިއަންސް ލީގުގައި ވާދަކުރުން އެއީ ނުވާނެ ކަމެއް ނޫން: އެންޗެލޮޓީ
23 ޑިސެމްބަރު 2019 | ހޯމަ 14:43އެންޗެލޮޓީ ވަނީ ޗެމްޕިއަންސް ލީގު ތިން ފަހަރު ކާމިޔާބުކޮށްފަ
އެންޗެލޮޓީ
އެވެޓަން އާއި ދާދިފަހުން ގުޅުނު އިޓަލީގެ ކޯޗު ކާލޯ އެންޗެލޮޓީ ޔޫރަޕްގެ ބޮޑު މުބާރާތެއް އެވެޓަން އާއިއެކު ކުޅެން ބޭނުންވާކަމަށް އެންޗެލޮޓީ ބުނުމުން އެކަމަށް ގިނަ ބަޔަކު ފާޑުކިޔައިފިއެވެ.
މީސް މީޑިއާގައިކީ ފާޑުކިޔުންތަކަށް ރައްދުދެމުން އެންޗެލޮޓީ ބުނީ އެވެޓަންއަކީ ދަށް ޓީމެއްކަމަށް މީހުންދެކުނެއްކަމަކު އޭނާ އެކަން ބަދަލުކުރާނެ ކަމަށާއި އޭނާ އެވެޓަން އަށް ބަދަލުވީ ދުރު ރާސްތާ ޕްލޭންއަކާއި އެކުކަމަށެވެ. އޭނާ އިތުރަށް ބުނީ އޭނާގެ ދިގު ރާސްތާ ޕްލޭންއާއި އެއްގޮތަށް ކަންކަން ވެއްޖެނަމަ ކުރިޔަށްއޮތް ދެ އަހަރެއްހާ ދުވަސްތެރޭގައި އެވެޓަން އަކީ ދުނިޔޭގެ އެންމެ ބޮޑު އެއް މުބާރާތްކަމުގައިވާ ޗެމްޕިއަންސް ލީގު ކުޅޭނެ ޓީމެއްކަމަށެވެ.
އެންޗެލޮޓީ މިހެންބުނިއިރު އެވެޓަން އިނގިރޭސި ޕްރިމިއާ ލީގުގެ ގަދަ ހަތަރަކަށް އެންމެ ފަހުން އެރީ 2005 ވަނަ އަހަރުގައެވެ. 2005 ވަނަ އަހަރަކީ އެވެޓަންގެ ތާރީހުގައި ވެސް ޕްރިމިއާ ލީގު ހަތަރުވަނައިގައި ނިންމި ފުރަތަމަ ފަހަރެވެ.
އެންޗެލޮޓީ އިތުރަށްބުނީ އެވެޓަންގައި މިހާރު އޮތް ސްކޮޑް އަކީވެސް ވަރުގަދަ ސްކޮޑެއްކަމަށާއި ނަމަވެސް ޗެމްޕިއަންސް ލީގަށް ވާދަކުރާއިރު ތަޖުރިބާކާރު މުހިންމު ކުޅުންތެރިން ސްކޮޑްގައި ތިބެންޖެހޭ ކަމަށެވެ. އެގޮތުން އެވެޓަން މިހާރު އޮތީ މާލީ ގޮތުން ރަނގަޅު ފޯމެއްގައި ކަމަށާއި އެހެންކަމުން މިއީ ކުރިޔަށް އޮތް ދެ އަހަރު ތެރޭގައި ސްކޮޑް ވަރުގަދަ ކުރުމަށް ލިބޭ ހިތްވަރެއްކަމަށެވެ.
އެވެޓަން އާއި ގުޅުމަށްފަހު އެންޗެލޮޓީ ބުނީ އޭނާ ބޭނުންވަނީ ޗެލެންޖުތަކާއި ކުރިމަތިލާން ކަމަށާއި އެވެޓަންގައި މިހާރު އޮތީ ރަނގަޅު ސްކޮޑެއް ކަމަށާއި ޕްރިމިއާ ލީގުގައި ނަތީޖާ ނެރެވޭނެ ކަމުގެ ޔަގީންކަން އޮތް ކަމަށެވެ. މީގެއިތުރުން އެންޗެލޮޓީ ބުނީ އެވެޓަން ވެގެންދާނީ ކުރިޔަށް އޮތް ދެ އަހަރެއްހާ ދުވަހުގެ ތެރޭގައި ލީގުގެ ގަދަ ހަތަރަކަށް ވާދަ ކުރާ ޓީމަކަށް ކަމަށާއި ޔޫރަޕްގެ ބޮޑު މުބާރާތް ތަކުގައި އެވެޓަން އިން ވާދަ ކުރާނެ ކަމަށެވެ.
