މޫސުމަށް ސަމާލުވޭ، އުތުރުގެ އަތޮޅުތަކުގެ ކަނޑުތައް ގަދަވާނެ
23 ޑިސެމްބަރު 2019 | ހޯމަ 02:36މެޓް އޮފީހުން ބުނީ މިރޭ 8 ޖެހުމާ ހަމައަށް އެންމެ އުތުރުގެ ކަނޑުތައް ގަދަވާނެ ކަމަށް ލަފާކުރެވޭ ކަމަށް
މޫސުން ގޯސްދުވަހެއްގައި ދޯންޏެއް ދުއްވާފައި ދަނީ- އެންމެ އުތުރުގެ ކަނޑުތައް ގަދަވާނެ ކަމަށް މެޓް އޮފީހުން ލަފާކުރޭ
ރާއްޖޭގެ އެކިހިސާބުތަކަށް ވިއްސާރަކުރުމާއެކު ގުގުރާނެ ކަމަށާއި ބައެއް ރަށްތަކަށް ބޯކޮށް ވާރޭވެހުން އެކަށީގެންވާ ކަމަށް މޯލްޑިވްސް މީޓިއޮރޮލޮޖިކަލް ސަރވިސް (މެޓް) އޮފީހުން ބުނެފި އެވެ.
މޫސުން ކުރިޔަށް ލަފާ ކުރާ ގޮތާ ގުޅޭގޮތުން މެޓް އޮފީހުން ބުނީ މިރޭ 8 ޖެހުމާ ހަމައަށް އެންމެ އުތުރުގެ ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ. އެހެން ހިސާބުތަކުގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެ ކަމަށްވެސް މެޓް އޮފީހުން ބުނެއެވެ.
ދެކުނުގެ އަތޮޅުތަކަށް ދެކުނާއި ހުޅަނގު ދެކުނުން، އެހެން ހިސާބުތަކަށް އިރާއި އިރުދެކުނުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް މެޓް އޮފީހުން ބުނެއެވެ. އަދި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައިގަދަވުން އެކަށީގެންވާ ކަމަށް މެޓް އޮފީހުން ބުނެއެވެ.
މީގެއިތުރުން މެޓް އޮފީހުން ވަނީ ހޯމަ ދުވަހުގެ ހެނދުނު 8:00 ޖެހުމާ ހަމައަށް 13 އަތޮޅަކަށް ވައިޓް އެލަރޓް ނެރެފައިވެއެވެ. އެއީ ހއ އަތޮޅުން ފެށިގެން ބ އަތޮޅަށް އަދި ދ އަތޮޅުން ފެށިގެން އައްޑޫ ސިޓީ އާ ހަމައަށެވެ. މެޓް އޮފީހުން ބުނީ އެޞަރަޙައްދުތަކަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަަމަށް ލަފާކުރެވޭ ކަމަށް މެޓް އޮފީހުން ބުނެއެވެ.
އެހެންކަމުން އެންމެހާ ފަރާތްތަކުން މޫސުމަށް ސަމާލު ވުމަށް މެޓް އޮފީހުން ވަނީ އިލްތިމާސްކޮށްފަ އެވެ.
