ބޭރަށް ހިންގުން އިތުރުވެއްޖެ، ސާފުތާހިރު ކަމަށް ސަމާލުވޭ
ސާފުތާހިރުކަމަށް އިތުރަށް ސަމާލުވުމަށް ހެލްތު ޕްރޮޓެކްޝަން އޭޖެންސީ ބުނި
މާޗް މަހު އާދަޔާ ހިލާފަށް އިންފްލުއެންޒާ ފެތުރެން ފެށުމާއެކު ހުޅުވި ފުލޫ ކްލިނިކް
ބޭރަށް ހިންގާތީ ޑޮކްޓަރަށް ދައްކާ ކުދިންގެ އަދަދު އިތުރުވެއްޖެ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެޗްޕީއޭއިން މިރޭ ކުރި ޓްވީޓެއްގައި ބުނެފައިވަނީ ވޭތުވެ ދިޔަ ތިން ދުވަހު ބޭރަށް ހިންގުމާއި ހޮޑުލެވިގެން ޑޮކްޓަރަށް ދައްކާ މީހުން އިތުރުވެފައިވާކަން ފާހަގަ ކުރެވޭ ކަމަށެވެ. އެހެންވެ، ސާފުތާހިރު ކަމަށާއި ބަލިން ރައްކާތެރިވުމުގެ ކަންކަމަށް ސަމާލުވުމަށް އެޗްޕީއޭއިން ވަނީ އިލްތިމާސްކޮށްފަ އެވެ.
ކުޑަކުދިންގެ ހާއްސަ ޑޮކްޓަރު އަބްދުﷲ ނިޔާފު ވެސް ވަނީ މިކަމުގެ ކަންބޮޑުވުން ފާޅުކުރައްވައިފަ އެވެ.
ޑޮކްޓަރ ނިޔާފް ކުރެއްވި ޓްވީޓެއްގައި ވިދާޅުވީ ބޭރަށް ހިންގާތީއާއި ހޮޑުލާތީ ކުޑަކުދިން ޑޮކްޓަރަށް ދައްކާ އަދަދު ގިނަވެފައިވާކަން ފާހަގަކުރެވިފައިވާ ކަމަށާއި ހުރިހާ ފަރާތްތަކުންވެސް ކާ އެއްޗިސްއާއި މެދު ސަމާލުވުމަށެވެ. އަދި އެމީހެއްގެ އަމިއްލަ ސާފުތާހިރުކަމަށް އަހަމިއްޔަތުކަން ދިނުމަށްވެސް ނިޔާފް ވަނީ އިލްތިމާސްކޮށްފައެވެ.
