ބުރިޖުން އަރާ ދިމާލުގައި ކާރުތަކެއް ޖެހި ނުރައްކާތެރި އެކްސިޑެންޓެއް ހިނގައިފި

މާލެއިން ބުރިޖަށް އަރާ ޞަރަޙައްދުގައި ނުރައްކާތެރި އެކްސިޑެންޓެއް ހިނގައިފިއެވެ.

މަޢުލޫމާތު ލިބިފައިވާ ގޮތުގައި މި އެކްސިޑެންޓުގައި ބައެއް ކާރުތަކަށާއި، ސައިކަލުތަކަށް ވަނީ ބޮޑެތި ގެއްލުންތަކެއް ވެފައެވެ. މި އެކްސިޑެންޓު ހިނގަން މެދުވެރިވީ ކާރުތަކެއް ޖެހިގެން ކަމަށް ވެސް މަޢުލޫމާތު ލިބެއެވެ.

މި އެކްސިޑެންޓުގައި ތިން މީހަކަށް އަނިޔާވެގެން ހޮސްޕިޓަލަށް ގެންގޮސްފައިވާ ކަމުގެ މަޢުލޫމާތު ލިބޭ އިރު އޭގެތެރޭގައި ކުޑަކުއްޖެއްވެސް ހިމެނެއެވެ.

މީގެ އިތުރުން ބުރިޖުން ފައިބާ ދިމާލުން ބޮޑުތަކުރުފާނު މަގުގައި ޑިވައިޑަރެއްގެ ގޮތުގައި ޖަހާފައި ހުރި ކޯންތަކަށް ވެސް ވަނީ ގެއްލުންވެފައެވެ.