ބޯކޯ ހަރާމް ޖަމާޢާތުން ޗޭޑަށް އަރައި، ދިން ބަޑީގެ ޙަމަލާތަކެއްދީ ބަޔަކު މީހުން މަރާލައިފިއެވެ.
ޗޭޑްއަކީ ކެމަރޫން އާއި ނައިޖީރިއާ ބޯޑަރު ކައިރީގައި އޮންނަ ޤައުމެކެވެ. އަލްޖަޒީރާއިން ރިޕޯޓުކޮށްފައިވާ ގޮތުގައި މި ހަމަލާގައި، 14 މީހުން މަރުވެ، 05 މީހުންނަށް އަނިޔާވެފައިވާ ކަމަށެވެ. އަދި 13 މީހުން ގެއްލިފައިވާ ކަމަށެވެ.
ބަޑީގެ ޙަމަލާތައް ފުރަތަމަ ދޭން ފެށީ ކުޑަކުޑަ ގްރޫޕަކުން ކަމަށާއި، ޙަމަލާތައް ދެމުން އިތުރު މީހުން އެޞަރަޙައްދަށް އައި ކަމަށް ރިޕޯޓުތައް ބުނެއެވެ.
މިޙަމަލާއާ ގުޅިގެން ޗޭޑުން ވަނީ އެޖަމާޢަތާ ހަނގުރާމަ ކުރުމަށް ކެމަރޫން އާއި ނައިޖީރިއާއެކު ކޯލިޝަން ހަދާފައެވެ.
ބޯކޯ ހަރާމް ޖަމާއަތަކީ އެފްރިކާގެ ޞަރަޙައްދުގައި ޙަރަކާތްތެރިވާ ޓެރަރިސްޓު އެންމެ ވަރުގަދަ ޖަމާޢަތްކަމަށް ބައެއް މީޑިއާތަކުން ރިޕޯޓުކުރެއެވެ.
