ކ. މާލެ
|
14 ޑިސެންބަރ 2019 | ހޮނިހިރު 17:02
ފިނޭންސް މިނިސްޓްރީ
ފިނޭންސް މިނިސްޓްރީ
ރާއްޖެއެމްވީ
ފިނޭންސް މިނިސްޓްރީ
އޮފީސްތަކުގެ އަންނަ އަހަރުގެ ކޭޝް ފްލޯ ޕްލޭން ހުށަހަޅަން އަންގައިފި
 
ސަރކިއުލަރ ގައި ބުނެފައިވަނީ ދައުލަތުގެ އޮފީސްތަކުގެ ބަޖެޓް ރިލީޒް ކުރެވޭނީ، އެ އޮފީހެއްގެ ކޭޝް ފްލޯ ޕްލޭން މިނިސްޓްރީއަށް ލިބިގެންކަމަށް
 
ކޭޝް ފްލޯ ޕްލޭނަށް ބިނާކޮށް ބަޖެޓް ޑިސްބަރސްމަންޓް ޖަދުވަލްތައް ތައްޔާރުކޮށް، 31 ޑިސެމްބަރ ގެ ކުރިން ފިނޭންސް މިނިސްޓްރީން ރައްޔިތުންގެ މަޖިލީހަށް ހުށަހަޅަންޖެހޭ

ދައުލަތުގެ ހުރިހާ އޮފީސްތަކުން އަހަރީ ކޭޝް ފްލޯ ޕްލޭން ތައްޔާރުކުރުމަށްފަހު، މި ޑިސެންބަރު މަހުގެ 23 ވަނަ ދުވަހުގެ ކުރިން ފިނޭންސް މިނިސްޓްރީއަށް ހުށަހެޅުމަށް މިނިސްޓްރީން އޮފީސްތަކަށް އަންގައިފި އެވެ.

ދައުލަތުގެ ޚަރަދަށް ޒިންމާވުމުގެ ޤާނޫނުގައި ބަޔާންވެގެންވަނީ ކޭޝް ފްލޯ ޕްލޭން ތައްޔާރުކުރުމާއި، ކޭޝް ފްލޯ ޕްލޭނަށް ބިނާކޮށް ބަޖެޓް ޑިސްބަރސްމަންޓް ޖަދުވަލުތައް ތައްޔާރުކޮށް، 31 ޑިސެމްބަރ ގެ ކުރިން ފިނޭންސް މިނިސްޓްރީން ރައްޔިތުންގެ މަޖިލީހަށް ހުށަހަޅަންޖެހޭނެ ކަމަށެވެ. އެހެންކަމުން މިމަހުގެ 23 ވަނަ ދުވަހުގެ ކުރިން ކޭޝް ފްލޯ ޕްލޭން ތައްޔާރުކުރުމަށްފަހު ފިނޭންސް މިނިސްޓްރީއަށް ފޮނުވުމަށް މިނިސްޓްރީން ވަނީ ހުރިހާ އޮފީސްތަކަށް މިކަން އަންގާ ސަރކިއުލަރ އެއް ޢާންމުކޮށްފައެވެ.

މި ސަރކިއުލަރ ގައި ބުނެފައިވަނީ ދައުލަތުގެ އޮފީސްތަކުގެ ބަޖެޓު ރިލީޒް ކުރެވޭނީ، އެ އޮފީހެއްގެ ކޭޝް ފްލޯ ޕްލޭން މިނިސްޓްރީއަށް ލިބިގެންކަމަށެވެ. އަދި އަންނަ އަހަރަށް ލަފާކުރާ ބަޖެޓު ޑިސްބަރސް ކުރުމަށް ހަމަޖެހިފައިވަނީ، ރައްޔިތުންގެ މަޖިލީހަށް ހުށަހަޅާ ބަޖެޓު ޑިސްބަރސްމަންޓް ޕްލޭނާއި އެއްގޮތްވާ ގޮތުގެ މަތިން މަހުން މަހަށް ކަމަށް ސަރކިއުލަރ ގައި ބުނެފައިވެއެވެ.

މި ސަރކިއުލަރ ގައި ކޭޝް ފްލޯ ޕްލޭން ތައްޔާރުކުރާނެ ގޮތުގެ ގައިޑްލައިނާއި، އޮފީސްތަކުން ބަޖެޓުގެ ކޭޝް ފްލޯ ޕްލޭން ހުށަހަޅަންޖެހޭ ސްޓްރެޖެޓިކް އެކްޝަން ޕްލޭން، ބިޒްނަސް ޕްލޭނިންގ އެންޑް ކޮންސޮލިޑޭޝަން މޮޑިއުލް (ބީޕީސީ) މޮޑިއުލް އާ އެއްގޮތަށް ހުށަހަޅާނެ ގޮތުގެ އިރުޝާދުވެސް ހިމަނާފަވެއެވެ.

އަންނަ އަހަރަށް ލަފާކުރާ ދައުލަތުގެ ބަޖެޓަކީ 37.8 ބިލިއަން ރުފިޔާ އެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް