އެސިޑްގެ ޝިކާރައަކަށްވި ލަކްޝްމީގެ ހަޔާތުގެ މައްޗަށް ހަދާ ފިލްމު \'\'ޗައްޕަކް\'\' ގެ ޓްރެއިލާ ނެރެފި

އެސިްޑްގެ ޝިކާރައަކަށްވި ލަކްޝްމީ އަގަރްވާލްގެ ހަޔާތުގެ މައްޗަށް ހަދާ ފިލްމު ''ޗައްޕަކް'' ގެ ޓްރެއިލާ ނެރެފިއެވެ.

ދިޕިކާ ޕަދުކޮށް ލީޑް ރޯލުން ފެނިގެންދާ މި ފިލްމުގެ ޓްރެރިއލަރ ފެނިގެންދަނީ ލަކްޝްމީގެ މޫނަށް އެސިޑް ޖެހުމަށްފަހު ދިމާވާ ކަންތައްތަކެވެ.

އެގޭތެރެގައި އެސިޑްގެ ހަމަލާތައް ހުއްޓުވުމަށް ލަކްޝްމީ އިސްވެގެން ކުރި ކެމްޕޭނުތައްވެސް ދައްކުވައިދެއެވެ. އަންގާރަ ދުވަހު އާއްމު ކޮށްފައިވާ ޓްރެއިލާގައި، އެސިޑް ވިއްކުން މަނާކުރުމަށް ލަކްޝްމީ ކުރާ މަސައްކަތްވެސް ފެނިގެންދެއެވެ.

ޓްރެއިލާ ލޯންޗު ކުރުމުގެ ހަފްލާގައި ލަކްޝްމީގެ ހަޔާތުގެ ވާހަކަތައް ދައްކަމުންގޮސް ދިޕިކާ ފެންކަޅިވެ ވާހަކަ ކުރިޔަށް ނުގެންދެވިގެން އިރުކޮޅަކަށް ހުއްޓާލަން ޖެހުނެވެ.

މޭގްނާ ގުލްޒާރު ޑައިރެކްޓް ކުރާ މި ފިލްމު ނެރެން ހަމަޖެހިފައިވަނީ އަންނަ މަހުގެ 10 ވަނަ ދުވަހުއެވެ. އިންޑިއާގެ ވެރިރަށް ދިއްލީ އަށް އުފަންވި ލަކްޝްމީގެ މޫނަށް އެސިޑް ޖަހާފައިވަނީ އޭނާގެ އުމުރުން 15 އަހަރުގައި ދިއްލީގެ ހާން މާރުކޭޓުގައި ހުއްޓާއެވެ. ލަކްޝްމީގެ މޫނަށް އެސިޑް ޖެހީ އޭނާގެ ރައްޓެއްސެއްގެ ބޭބެއާ ކައިވެނި ކުރަން ދެކޮޅު ހެދުމުންނެވެ.

އެ ހާދިސާ އަށް ފަހު އާއިލާގެ އެހީއާ އެކު ލަކްޝްމީ ވަނީ އެމީހުންނާ ދެކޮޅަށް ކޯޓަށް މައްސަލަ ހުށައަޅާފައެވެ. ހަތަރު އަހަރުވަންދެން ކޯޓުގައި ކުރިޔަށް ދިޔަ މައްސަލަ އަށް ފަހު ލަކްޝްމީ މޫނަށް އެސިޑް ޖެހި ގުއްޑޫ 10 އަހަރަށް ޖަލަށްލާން ކޯޓުން ހުކުމް ކުރިއެވެ.