ހޯމަ 20 ޖެނުއަރީ 2020
2 ހުވަން
1441 ޖުމާދަލްއޫލާ 25
ފަތިސް 05:02
އިރުއަރާ 06:17
މެންދުރު 12:21
އަސްރު 15:41
މަޣްރިބް 18:16
އިޝާ 19:32
ކުޅިވަރު - ސައުތް އޭޝިއަން ގޭމްސް

ވަރުގަދަ އިންޑިއާގެ ޕެއާ އަތުން ބަލިވެ، ދީމާ އަދި ރަފާގެ ޕެއާ ކަޓައިފި

  • ދީމާ އަދި ރަފާ ޕެއާގެ މައްޗަށް އިންޑިއާގެ ސްރީޖާ އަދި މަދުރިކާގެ ޕެއާ ކުރި ހޯދީ 4 ސެޓު 2 ސެޓުން

އަތޫފް އާތިފް
AthifAthoof

ކ. މާލެ 4 ޑިސެންބަރު 2019 | ބުދަ 12:10 1,721

ދީމާ އަދި ރަފާ - އެމްއޯސީ

ނޭޕާލުގައި މިހާރު ކުރިޔަށްދާ 13 ވަނަ ސައުތް އޭޝަން ގޭމްސްގެ ޓޭބަލް ޓެނިސް އަންހެން ޑަބަލްސް އިވެންޓުގައި ވަރުގަދަ އިންޑިއާގެ ޕެއާ އަތުން ރާއްޖޭގެ ފާތިމަތު ދީމާ އަލީ އަދި އައިޝަތު ރަފާ ނާޒިމްގެ ޕެއާ ބަލިވެއްޖެއެވެ.

ކުއާޓާ ފައިނަލުގައި ދީމާ އަދި ރަފާ ޕެއާގެ މައްޗަށް އިންޑިއާގެ ސްރީޖާ އަދި މަދުރިކާގެ ޕެއާ ކުރި ހޯދީ 4 ސެޓު 2 ސެޓުންނެވެ.

ފޯރިގަދަ ކުޅުމެއް ފެނިގެންދިޔަ މި މެޗުގެ ފުރަތަމަ ސެޓު މޮޅު ކުޅުމަކާއި އެކު ދީމާ އަދި ރަފާގެ ޕެއާއިން ކާމިޔާބުކުރީ 12-10 އިންނެވެ. ނަމަވެސް ޖެހިގެން އައި ދެ ސެޓު އިންޑިއާގެ ޕެއާއިން ވަނީ ކާމިޔާބުކޮށްފައެވެ. ސްރީޖާ އަދި މަދުރިކާގެ ޕެއާއިން މި ދެ ސެޓު ކާމިޔާބުކުރީ 4-11 އަދި 7-11 އިންނެވެ.

މެޗުގެ ހަތަރުވަނަ ސެޓުގައި ރާއްޖޭގެ ދީމާ އަދި ރަފާގެ ޕެއާގެ ފަރާތުން ތަފާތު މޮޅު ކުޅުމެއް ފެނިގެން ގޮސްފައިވާއިރު ދީމާ އަދި ރަފާގެ ޕެއާ މި ސެޓު ކާމިޔާބުކުރީ 11-9 އިންނެވެ. މެޗުގެ ފަހު ދެ ސެޓުގައި ދީމާ އަދި ރަފާގެ ޕެއާގެ ފަރާތުން އާދައިގެ ކުޅުމެއް ފެނިގެންދިޔައިރު އިންޑިއާގެ ސްރީޖާ އަދި މަދުރިކާގެ ޕެއާ އިން މި ސެޓު ކާމިޔާބުކުރީ، 6-11 އަދި 6-11 އިންނެވެ.

މެޗަށްފަހު ވާހަކަ ދައްކަމުން ކޯޗު އަމިތް ކުމާރު ބުނީ ރާއްޖޭގެ ކުޅުންތެރިން ޓެކްނިކަލީ ވައިސް ކޮށް ވަރަށް ވަރުގަދަ ކަމަށާއި އިންޑިއާގެ އެންމެ ވަރުގަދަ ޕެއާ އާއި ދެކޮޅަށް ދީމާ އަދި ރަފާ ދެއްކީ މޮޅު ކުޅުމެއް ކަމަށެވެ.

އަންހެން ޓީމް އިވެންޓުން އަންގާރަ ދުވަހު ރާއްޖޭގެ ޓީމުން ވަނީ ލޯ މެޑަލް ހޯދައިފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް