މިނިސްޓަރ ހާޒިރު ކުރުމަށް ހުށަހެޅުއްވި މެމްބަރު ވަޑައިގެންނެތުމުގެ ސަބަބުން ސުވާލުގެ ބައި ކުރިއަށް ނުގެންދެވުނު!
27 ނޮވެމްބަރު 2019 | ބުދަ 04:38މިނިސްޓަރ މަޖިލީހުގެ ތަޅުން ދޫކުރައްވައި އެނބުރި ވަޑައިގެންފިކަން ރާއްޖެއެމްވީއަށް ވަނީ ކަށަވަރުވެފަ
މިނިސްޓަރ އޮފް އެންވަޔަރަންމަންޓް ޑރ. ޙުސައިން ރަޝީދު ޙަސަން
މިނިސްޓަރ އޮފް އެންވަޔަރަންމަންޓް ޑރ. ޙުސައިން ރަޝީދު ޙަސަން މަޖިލީހަށް ހާޒިރުކުރުމަށް ހުށަހެޅުއްވި މެމްބަރު ޖަލްސާއަށް ހާޒިރުވެވަޑައިގެން ނެތުމުން މިނިސްޓަރާއި ސުވާލު ކުރުން ކުރިއަށް ގެންދެވެން ނެތް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިނިސްޓަރ މަޖިލީހަށް ހާޒިރު ކުރުމަށް ހުށަހެޅުއްވީ ކެންދޫ ދާއިރާގެ މެމްބަރު އަލީ ހުސެއިނެވެ. މެމްބަރު މިނިސްޓަރާއި ކުރައްވަން ހަމަޖެހިފައިއޮތް ސުވާލަކީ ބ. ކެންދޫ، ދަރަވަންދޫ އަދި ކަމަދޫގެ ފެނާއި ނަރުދަމާގެ ޕްރޮޖެކްޓަކީ 2019 ވަނަ އަހަރުގެ ބަޖެޓުގައި ހިމެނިފައިވާ މަސައްކަތްތަކަކަށް ވާއިރު އެ މަސައްކަތްތައް ފެށޭނީ ކޮން ތާރީޚެއްގައިތޯއެވެ.
ޖަލްސާ ފައްޓަވަމުން މަޖިލީހުގެ ރައީސް ވިދާޅުވީ މިނިސްޓަރ މަޖިލީހަށް ހާޒިރުކުރުމަށް ހުށަހެޅުއްވި މެމްބަރު ހާޒިރުވެވަޑައިނުގެންނެވުމުގެ ސަބަބުން އެޖެންޑާގެ އެބައި ކުރިއަށް ގެންދެވެން ނެތް ކަމަށެވެ.
އެނގިފައިވާގޮތުގައި މެމްބަރު ވަޑައިގަންނަވާތޯ ރިޔާސަތުން ވަނީ 12 މިނެޓު މަޑުކުރައްވާފައެވެ. ރާއްޖެއެމްވީއަށް ކަށަވަރުވެފައިވާގޮތުގައި މިނިސްޓަރ ވަނީ މަޖިލީހުގެ ތަޅުން ދޫކުރައްވައި އެނބުރި ވަޑައިގެންފައެވެ.
