އަންނަ މަހު ކައުންސިލްތަކުގެ ޕްރައިމަރީ ބާއްވަން އެމްޑީޕީ ތައްޔާރު: ރައީސް ނަޝީދު
އަންނަ މަހު ކައުންސިލް އިންތިހާބުގެ ޕްރައިމަރީ އެއް ބޭއްވޭނެ
ރައީސް ނަޝީދު
އަންނަ އަހަރު ބާއްވާ ލޯކަލް ކައުންސިލް އިންތިޚާބު ބޮޑު ތަނުން އެމްޑީޕީން ކާމިޔާބު ކުރާނެ ކަމަށާއި، ކައުންސިލް ތަކުގެ ޕްރައިމަރީ ޑިސެމްބަރު މަހު ބާއްވާނެ ކަމަށް އެ ޕާޓީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ލޯކަލް ކައުންސިލް އިންތިޚާބު އަންނަ އަހަރުގެ އޭޕްރީލް މަހުގެ ހަތަރު ވަނަ ދުވަހު ބާއްވާ ގޮތަށް އިލެކްޝަންސް ކޮމިޝަން (އީސީ) ވަނީ ނިންމާފައެވެ.
ހޮނިހިރު ދުވަހު މޯލްޑިވިއަންގެ "ބެއްޔާ" ޓީޝާޓް މޫވްމަންޓް ފެށުމަށް ސީޕްލޭން ޓާމިނަލުގައި ބޭއްވި ރަސްމިއްޔާތައް ފަހު، ނޫސްވެރިންނަށް މައުލޫމާތުދެއްވަމުން ނަޝީދު ވަނީ އެމްޑީޕީގެ ރައީސް ކަމަށް އެމަނިކުފާނު އަލުން އިންތިޚާބު ކޮށްދެއްވާފައިވާތީ ޕާޓީގެ މެމްބަރުންނަށް ޝުކުރު އަދާކުރައްވާފައެވެ. އެމްޑީޕީގެ ރައީސް ވިދާޅުވީ، ލޯކަލް ކައުންސިލް އިންތިޚާބަށް ޕާޓީގެ ހަރަކާތްތައް ރުކުވާލެވިފައިވާ ކަމަށާއި، ލޯކަލް ކައުންސިލް އިންތިޚާބަށް ތައްޔާރުވުމުގެ ގޮތުން އަންނަ މަހު އެމްޑީޕީގެ ޕްރައިމަރީ އެއް ބޭއްވިގެން ދާނެ ކަމަށެވެ.
އޭގެ ފަހުން އެމަނިކުފާނު ވިދާޅުވީ، ކައުންސިލް އިންތިޚާބު އެ ޕާޓީން ބޮޑު ތަނުން ކާމިޔާބު ކުރާނެ ކަމުގެ އުއްމީދު އެބައޮތް ކަމަށެވެ.
