ކ. މާލެ
|
22 ނޮވެންބަރ 2019 | ހުކުރު 08:40
ބޮސްގެ ޕޯސްޓަރެއް
ބޮސްގެ ޕޯސްޓަރެއް
ދިވެހި ފިލްމު ބޮސް
މިއަދު "ބޮސް" ބައިސްކޯފަށް އަންނަނީ!
 
އެ ފިލްމު ވަނީ މާލޭގެ އިތުރުން ރާއްޖޭގެ 100 އަށް ވުރެއް ގިނަ ރަށުގައި ސްކްރީންކޮށްފަ
 
އެ ފިލްމަކީ އައިޝަތު ރިޝްމީ ޑައިރެކްޓްކޮށް 2017 ވަނަ އަހަރު ރިލީޒްކުރި ފިލްމެއް

ކުޅަދާނަ ޑައިރެކްޓަރު ފާތިމަތު ނަހުލާގެ އަސަރުގަދަ ލޯބީގެ ފިލްމު "ބޮސް" ބައިސްކޯފުގައި ހުކުރު ދުވަހުން ފެށިގެން ސްޓްރީމްކުރަން ނިންމައިފިއެވެ.

ރާއްޖޭގެ މުނިފޫހިފިލުވުމުގެ ދާއިރާއަށް އިންގިލާބީ ބަދަލެއް ގެނުވި ބައިސްކޯފަށް މި މަހުގެ 12 ވަނަ ދުވަހު އަހަރެއް ފުރިގެން ދިޔައިރު އެ އެޕުން އަންނަނީ ބެލުންތެރިންނަށް ހިތްގައިމު ދިވެހި ފިލްމު ތަކާއި ލަވަތައް ވެސް ގެނެސްދެމުންނެވެ.

ބައިސްކޯފުގެ ފޭސްބުކް ޕޭޖްގައި ބޮސްގެ ކުރު ޓީޒާ އަކާއެކު ޝެއާރ ކޮށްފައިވާ ވީޑިއޯއެއް ގައި ބުނެފައިވަނީ 22 ނޮވެމްބަރުން ފެށިގެން ބައިސްކޯފުން "ބޮސް" ބެލޭނެ ކަމަށެވެ.

އެ އެޕުން އާ ޑްރާމާ ސިލްސިލާ "ހާސާ" ވެސް ދައްކަން ފަށަން ތައްޔާރުވަމުން އަންނަ އިރު ގިނަ އަހަރުތަކެއް ވަންދެން ރިލީޒްނުވެ އޮތް ފިލްމު "މާޔޫސް" ވެސް ވަނީ އެޕިސޯޑްތަކަށް ބަހާލައިގެން ގެނެސްދޭން ފަށާފައެވެ.

"ބޮސް" އަކީ 2017 ވަނަ އަހަރުގެ ފަހުކޮޅު އޮލިމްޕަހުގައި ވެސް ގިނަ ޝޯތަކެއް ދެއްކި ރީތި ފިލްމެކެވެ. ރާއްޖޭގެ 100 އަށް ވުރެއް ގިނަ ފިލްމު ދެއްކި އިރު ފިލްމު ބަލަން ޒުވާން ބޮޑު އޯޑިއަންއެއް އޮތް ކަން ފާހަގަކޮށްލެވެއެވެ. އެ ފިލްމު އޭގެ ފަހުން 2018 ވަނަ އަހަރު އަދި މިއަހަރުގައި ވެސް އޮލިމްޕަހުގައި ވަނީ ދައްކާފައެވެ. އެ ދެއްކި ޝޯތައް ވެސް ދިޔައި ހަމަ ހައުސްފުލް ވެގެންނެވެ.

އެ ފިލްމުން ދައްކައިދެނީ، މުއްސަނދި އަންހެއްކުއްޖެއްގެ މުދާގަނޑުގެ މައްޗަށް ގަދަވެގަތުމަށް ބަޔަކު ކުރާ މަސައްކަތެވެ. ކުޑައިރު މަންމަ ނިޔާވެފައިވާ އެ އަންހެން ކުއްޖާ، ބޮސްގެ ލީޑުން ފެނިގެންދާ މަރިޔަމް އައްޒަ (އިބާ) ހަމައެކަނި ބައްޕަގެ ލޯބި ލިބިގެން ބޮޑުވެ ކުއްލިއަކަށް އެ ބައްޕަ ނިޔާވުމުން ނަފްސާނީ ގޮތުން އޭނާ ކުރިމަތިލާ ހަނގުރާމަ ފިލްމުން ފެނެއެވެ.

އައިޝަތު ރިޝްމީ ޑައިރެކްޓްކޮށްފައިވާ "ބޮސް" ގައި އައްޒަ އާއެކު ފިރިހެން ތަރިޔަކަށް ލިޑުން ފެނިގެންދަނީ މުހައްމަދު ޔުނާން އެވެ. އެ ފިލްމުން އަޒޫ، ޝަމީލް، ޖިމީ އަދި ދޮން އައްޔަ ފަދަ ތަރިންގެ މޮޅު އެކްޓިން ފެނިގެންދާކަން ފާހަގަކޮށްލެވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް