"ދިވެހި އެންމެން" ގެ ނަމުގައި ސިޔާސީ ޕާޓީއެއް އުފައްދަނީ
20 ނޮވެމްބަރު 2019 | ބުދަ 13:19ސިޔާސީ ޕާޓީއެއް އުފެއްދުމަށް ހުއްދަ ދިނުމާ އެކު، 3،000 މެމްބަރުން ހަމަކުރަންޖެހޭ
އައު ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަންސް ކޮމިޝަނުން ދިނުން
ދިވެހި އެންމެންގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަންސް ކޮމިޝަނުން ދީފިއެވެ.
ބުދަ ދުވަހު އީސީން ކޮށްފައިވާ ޓްވީޓްގައި ވަނީ އެ ޕާޓީ އުފެއްދުމަށް ކުރަން ޖެހޭ ކަންކަން ކުރުމުގެ ހުއްދަ އެ ކޮމިޝަނުން ދީފައިވާ ކަމަށެވެ.
އާ ސިޔާސީ ޕާޓީއެއް އުފައްދަން ހުއްދަ ދިނުމާ އެކު، 3،000 މެމްބަރުން ހަމަކުރަންޖެހެއެވެ. މިކަން ކުރުމަށް ތިން މަސް ދުވަހުގެ މުއްދަތެއް ލިބެއެވެ.
އީސީގައި 8 ސިޔާސީ ޕާޓީއެއް ރަޖީސްޓްރީ ކޮށްފައިވެއެވެ. އެއީ، މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)، ދިވެހި ރައްޔިތުންގެ ޕާޓީ (ޑީއާރްޕީ)، އަދާލަތު ޕާޓީ، ޖުމްހޫރީ ޕާޓީ، މޯލްޑިވްސް ތާޑްވޭ ޑިމޮކްރަޓިކްސް (އެމްޓީޑީ) އާއި މޯލްޑިވްސް ލޭބަރ އެންޑް ސޯޝަލް ޑިމޮކްރަޓިކް ޕާޓީ (އެމްއެލްއެސްޑީޕީ)، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ އިތުރުން ޕީޕަލްސް ކޮންގްރެސް ޕާޓީ (ޕީއެންސީ) އެވެ.
މީގެ އިތުރުން ކުރީގެ ރައީސް މައުމޫން އަބްދުލްޤައްޔޫމް އުފައްދަވާފައިވާ، މޯލްޑިވްސް ރިފޯމް މޫވްމަންޓް (އެމްއާރްއެމް) ސިޔާސީ ޕާޓީއެއްގެ ގޮތުގައި ރަޖިސްޓްރީ ކުރުމަށް އިލެކްޝަންސް ކޮމިޝަން (އީސީ)އިން ބުދަ ދުވަހު ވަނީ ނިންނާފައެވެ.
އަދި ރަޖިސްޓްރީ ސެޓްފިކެޓް ޙަވާލު ކުރުން މިމަހުގެ 25 ގައި ބާއްވަން ވަނީ ނިންމާފައިވާ ކަމަށެވެ.
