ބޮޑު ހިޔާނާތާ ގުޅިގެން ބީއެމްްއެލަށް ފިޔަވަޅު އަޅައިދިނުމަށް އެދި ޖާބިރުގެ ގަރާރެއް ހުށައަޅަނީ
20 ނޮވެމްބަރު 2019 | ބުދަ 08:32އަވަސް ތަހުގީގެއް ހިންގުމަށް ގަރާރުގައި އެދިފައިވޭ
ބީއެމްއެލްގެ އަހަރީ ޖަލްސާއެއްގައި އެ ބޭންކުންގެ ބޯޑު މެމްބަރުން
ރާއްޖޭގެ ފަޅުތަކާއި ރަށްތައް ވިއްކައިގެން ހިންގި އެންމެ ބޮޑު ހިޔާނާތް ކަމަށްވާ، އެމްއެމްޕީއާރްސީގެ ހިޔާނާތާއި ގުޅިގެން ބޭންކް އޮފް މޯލްޑިވްސްގެ މައްޗަށް ފިޔަވަޅު އަޅައިދިނުމަށް ރައްޔިތުންގެ މަޖިލީހަށް ގަރާރެއް ހުށައަޅައިިފިއެވެ.
ކާށިދޫ ދާއިރާގެ މެމްބަރު އަބްދުﷲ ޖާބިރު ބުދަ ދުވަހު ހުށައަޅުއްވާ ގަރާރުގައި ވަނީ، ބޮޑު ހިޔާނާތުގައި ބީއެމްއެލްގެ އިިހުމާލު ބޮޑުކަން ރައީސް ޔާމީންގެ މައްޗަަށް އުފުލާފައިވާ މަނީލޯންޑްރިންގެ ޝަރީޔަތުން ފާހަގަކުރެވިފައިވާ ކަމަށެވެ.
އެގޮތުން އެ ބޭންކުގައި ލޯނަށް އެދޭ ފަރާތްތަކުގެ ތެރެއިން، ލޯނު ދެނީ ބޭންކުގެ ނުފޫޒުގަދަ ފަރާތްތަކަށް ބޭނުންވާ ބަޔަކަށް ހަދައި، އަދި އެގޮތުން ދޫކުރާ ލޯނުގެ ފައިސާގެ ތެރެއިން ބީއެމްއެލުން ނުފޫޒުގަދަ ފަރާތްތަކުގެ ޖީބަށް ފައިސާ ވަންނަ ގޮތުގެ މަތިން އަމަލުތައް ހިންގަމުންދާ ކަމުގެ އަޑު ގަދަވެފައިވާ ކަމަށް ޑީއާރްޕީގެ ލީޑަރު ހުށައެޅުއްވި ގަރާރުގައިވެއެވެ.
ވިޔަފާރިވެރިޔާ ޖާބިރު ހުށައެޅުއްވި ގަރާރުގައި ބުނީ، އެއީ ދިވެހިންގެ ބޭންކުން އަމަލުކޮށްގެންނުވާނެ ގޮތެއް ކަމަށްވާތީވެ އެ އަމަލުތައް ހުއްޓުވުމަށް އަވަސް ފިޔަވަޅުތައް މި ހިނދުން މިހިނދަށް އަޅައި އެ އަމަލު ހިންގި ފަރާތްތަކަކީ ކޮބައިތޯ ބެލުމަށް މި ހިނދުން މިހިނދަށް ތަހުގީގެ ފައްޓައި ދިނުމަށް މަޖިލީހުގެ އިދާރާ އަށް ގޮވާލާފައެވެ.
ޖާބިރުގެ ގަރާރުގެ މަގްސަދަކީ މަޖިލީހުގެ ގަވާއިދުގެ 174 ވަނަ މާއްދާގައި ބަޔާންކުރާ މަގްސަދު ހާސިލްކުރުމަށްޓަކައި ފުޅާ ދާއިރާއެެއްގައި ބަހުސް ކުރުމާއި، ގާރާރު ފާސްވެގެން ދިޔުން ކަމަށެވެ.
އެމްއެމްޕީއާރްސީގެ މައްސަލާގައި ބީއެމްއެލްއަށް ފިޔަވަޅު އަޅައި ދިނުމަށް ގަރާރެއް މަޖިލީހަށް ހުށައަޅުއްވާފައިވާއިރު، ހިޔާނާތަ ގުޅޭ ފޮރެންސިކް އޮޑިޓެއް ހަދަން އެ ބޭންކުން ވަނީ ސިންގަޕޫރްގެ ފާރމަކާއި ހަވާލުކޮށްފައެވެ.
ބީއެމްއެލުން ބުނެފައިވަނީ، އެމްއެމްޕީއާރްސީ ގެ މައްސަލައިގެ ތަހުގީގު މިހާރުވެސް ކުރިއަށް ދިޔުމާއެކު، ބޭންކާ އަދި ގުޅުންހުރި އެންމެހާ ފަރާތްތަކެއްގެ މަސްލަހަތަށް ބަލާ، އެމްއެމްޕީއާރްސީގެ މުޢާމަލާތްތަކާ ގުޅޭ ގޮތުން ރާއްޖެއިން ބޭރުގެ މިނިވަން އިދާރާއެއް މެދުވެރިކޮށް ތަހުގީގީ އޮޑިޓެއް ކުރިޔަށް ގެންދިއުމަށް ނިންމާފައިވާ ކަމަށެވެ.
ބޮޑު ހިޔާނާތުގެ ފައިސާގައި ބީއެމްއެލްގެ މުވައްޒަފުންގެ ބައިވެރިވުންވާ ކަމަށް އެކި ފަރާތްތަކަން ބުނަމުންދެއެވެ. އެހެން ނަމަވެސް ނުގަވައިދުން އަދި ގާނޫނާ ހިލާފު އެއްވެސް ކަމެއް ކޮށްފައި ނުވާނެކަމަށް ތަކުރާރުކޮށް ބީއެމްއެލް އިން އައީ ބުނަމުންނެވެ.
