ލޯކަލް ކައުންސިލް އިންތިހާބު އޭޕްރީލް ހަތަރެއްގައި ބާއްވަނީ
އީސީން އެކަން އިއުލަން ކުރީ ބުދަ ދުވަހު
އިލެކްޝަން ކޮމިޝަންގެ މެމްބަރުން ނޫސްވެރިންގެ ބައްދަލުވުމެއްގައި
ލޯކަލް ކައުންސިލް އިންތިހާބު އަންނަ އަހަރުގެ އޭޕްރީލް މަހުގެ ހަތަރު ވަނަ ދުވަހު ބާއްވާ ގޮތަށް އިލެކްޝަން ކޮމިޝަން (އީސީ) އިން ނިންމައިފިއެވެ.
މި ފަހަރުގެ ލޯކަލް ކައުންސިލް އިންތިހާބުގައި ކޮންމެ ވޯޓު ފޮއްޓަކަށް ވޯޓުލާ އަދަދު 700 އަށް ވުރެ އިތުރު ނުވާނޭހެން ބަދަލު ކުރުމަށް މަޝްވަރާ ތަކެއް ކުރެވެމުންދާ ކަމަށް އޯގަސްޓު މަހުގެ ތެރޭގައި ބޭއްވި ނޫސްވެރިންގެ ބައްދަލުވުމެއްގައި އެ ކޮމިޝަންގެ ރައީސް އަހުމަދު ޝަރީފް ވަނީ ވިދާޅުވެފައެވެ.
އަދި ވޯޓު ފޮއްޓަށް ވޯޓު ލާ އަދަދު މަދު ކުރެވުމުން ވޯޓު ފޮށީގެ އަދަދު އިތުރުވުމުގެ އިތުރުން އިންތިޚާބުގައި ހަރަކާތްތެރިވާ އޮފިޝަލުން ގެ އަދަދަދުވެސް އިތުރު ވާނެ ކަމަށް އީސީން ބުނެއެވެ.
ލޯކަލް ކައުންސިލް އިންތިހާބުގައި ވޯޓު ފޮށިތައް ދިވެހިން ދިރިއުޅޭ ބޭރު ގައުމުގައި ބަހައްޓާ ގޮތަށްވެސް އީސީން ވަނީ ނިންމާފައވެެ.
