ރޯމާއަށް ކުޅެމުން އަންނަ އިނގިރޭސި ޑިފެންޑަރ ކްރިސް ސްމޯލިން ހޯދުމަށް ޔުވެންޓަސް އާއި އިންޓަ މިލާން މަސައްކަތް ކުރަމުން އަންނަ ކަމަށް ރިޕޯޓްތައް ބުނެފިއެވެ.

އިޓަލީގެ ނޫސްތަކުން ބުނީ، ރޯމާއާއެކު ސްމޯލިން ހަދާފައިވާ ލޯން އެއްބަސްވުން ހަމަވުމުން އޭނާ ހޯދުމަށް ޔުވެންޓަސް އަދި އިންޓައިން ބޭނުންވާ ކަމަށާއި، އެކަމަށް އެ ދެ ކްލަބުންވެސް މަސައްކަތް ކުރަމުން އަންނަ ކަމަށެވެ.

ރޯމާއެކު ސްމޯލިން ހަދާފައިވާ އެއްބަސްވުން ހަމަވުމުން އޭނާ އަނބުރާ މެންޗެސްޓަރ ޔުނައިޓެޑަށް ބަދަލުވާނެއެވެ. ޔުނައިޓެޑާއެކު ސްމޯލިން ހަދާފައިވާ އެއްބަސްވުން ހަމަވާނީ 2022 ވަނަ އަހަރެވެ.

އުމުރުން 29 އަހަރުގެ ސްމޯލިން ހޯދުމަށް ގިނަ ކްލަބްތަކުން އަންނަނީ މަސައްކަތް ކުރަމުންނެވެ. އޭގެ ތެރޭގައި ޔުވެންޓަސް އާއި އިންޓަގެ އިތުރުން ޖަރުމަން އަދި އިނގިރޭސި ކްލަބްތަކުންވެސް އަންނަނީ މަސައްކަތް ކުރަމުންނެވެ.

ފުލަމް އިން 2008 ވަނަ އަހަރު ކެރިޔަރު ފެށި ސްމޯލިން ޔުނައިޓެޑަށް ބަދަލުވީ 2010 ގައެވެ. އޭނާ ވަނީ މިހާތަނަށް އެޓީމަށް ކުޅުނު 323 މެޗުގައި 18 ލަނޑު ކާމިޔާބު ކޮށްފައެވެ.

ސްމޯލިން ވަނީ ޔުނައިޓެޑާ އެކު ދެ ޕްރިމިއާ ލީގު، ތިން ޔުއެފާ ކޮމިއުނިޓީ ޝިލްޑް، އެފްއޭ ކަޕް، ލީގު ކަޕް އަދި ޔޫރޮޕާ ލީގު ކާމިޔާބު ކޮށްފައެވެ.

ރޯމާއަށް ބަދަލުވެ ސްމޯލިން ވަނީ މިހާތަނަށް އެ ކްލަބަށް 10 މެޗު ކުޅެ އެއް ލަނޑު ކާމިޔާބުކޮށްފައެވެ. އޭނާ އަންނަނީ އެ ކްލަބުގައި މޮޅު ކުޅުމެއް ދައްކަމުންނެވެ.

އިންގްލޭންޑްގެ ޒުވާން ޓީމުތަކަށް ކުޅެފައިވާ ސްމޯލިން ވަނީ އިންގްލޭންޑްގެ ސީނިއާ ޓީމަށް 31 މެޗު ކުޅެފައެވެ.