"މަރްޖާވާން" އަށް ތިން ދުވަހުން ބޮޑު ތަރުހީބެއް!

މި ހިނގާ ނޮވެންބަރު މަހުގެ ފަނަރަ ވަނަ ދުވަހު ރިލީޒްކުރި ބޮލީވުޑް ފިލްމު "މަރްޖާވާން" އަށް ތިން ދުވަހުން ބޮޑު ތަރުހީބެއް ލިބިއްޖެއެވެ.

ފިލްމު އެޅުވިތާ ތިން ދުވަހުން 24.42 ކުރޯޑް އެ ފިލްމަށް މިވަނީ ލިބިފައެއެވެ.

މިލަފް މިލަން ޒަވޭރީ ޑައިރެކްޓްކޮށް ނެރެފައިވާ އެ ފިލްމާ ދޭތެރޭ ފިލްމީ ބައެއް ކްރިޓިކުންގެ ވެސް އުންމީދު ބޮޑުވެފައިވާއިރު އެ ފިލްމަށް ކްރިޓިކުން އަންނަނީ ތައުރީފް ކުރަމުންނެވެ. އެ ފިލްމުގެ ލީޑު ރޯލުން ފެނިގެންދަނީ ބޮލީވުޑްގެ މަޝްހޫރު ތަރި ސިދާތު މަނހޯތުރާ އެވެ. އަދި އޭނާ އާއެކު ބަތަލާގެ ރޯލުން ފެންނަނީ ސްޓޫޑެންޓް އޮފް ދަ އިރާ 2 އިން ބޮލީވުޑަށް ތައާރަފުވި ތާރާ ސުތައިރާއެވެ.

ރޮމޭންޓިކް އެކްޝަން ފިލްމު "މަރްޖާވާން" ގައި ވިލަންގެ ރޯލުން ކުޅަދާނަ އެކްޓަރު ރިތޭޝް ދޭޝްމުކް ފެންނަ އިރު އެ ފިލްމު އަންނަނީ ގިނަ ސިނަމާތަކެއްގައި އެއްފަހަރާ އަޅުވަމުންކަން ފާހަގަކޮށްލެވެއެވެ.

"މަރްޖާވާން" އަކީ މިލަފް ހެދި "ސަތިޔަމަވޭ ޖަޔަތޭ" އަށް ފަހު ޑައިރެކްޓްކުރި ފުރަތަމަ ފިލްމެވެ.