އީރާނުގެ ބޯޓެއް އޮޔާ ދަނިކޮށް ފުލުހުން އެބޯޓަށް އަރައިފި
3 ނޮވެމްބަރު 2019 | އާދީއްތަ 07:23ބޯޓުގައި ތިބީ އީރާނުގެ 7 ފިރިހެނުން ކަމަށް ފުލުހުން މައުލޫމާތުދޭ
އީރާނުގެ ބޯޓު
އދ. މަންދޫ ބޭރުން ރާއްޖެއިން ބޭރުގެ ލަކުޑި ބޯޓެއްގެ އިންޖީނު ހުއްޓިގެން އޮޔާދާ ކަމުގެ މައުލޫމާތު ލިބިގެން ދިވެހި ފުލުހުން އެ ބޯޓަށް އަރައިފި އެވެ.
ފުލުހުން ބުނީ ބޯޓެއް އޮޔާދާ ކަމުގެ މައުލޫމާތު މިއަދު ހެނދުނު 8:20 އާއިރު ލިބިފައިވާ ކަމަށެވެ. މި މައުލޫމާތު ފުލުހުންނަށް ލިބުމާއެކު ކޯސްޓް ގާޑަށް މައުލޫމާތު ދިނުމަށްފަހު ފުލުހުން އެސަރަހައްދަށް ދިޔަ ކަމަށް ފުލުހުން މައުލޫމާތުދެ އެވެ. އަދި ފުލުހުން އެބޯޓަށް އަރާ ބެލިއިރު އެއީ އިރާންގެ ބޯޓެއްކަން އެނގިފައިވާކަމަށާއި ބޯޓުގައި ތިބީ އީރާނުގެ 7 ފިރިހެނުން ކަމަށް ފުލުހުން މައުލޫމާތުދެ އެވެ.
މިކަމުގައި ފުލުހުން ބަލަންޖެހޭ ކަންކަން ބަލަމުންދާ ކަމަށްވެސް ފުލުހުން ބުނެއެވެ.
މީގެކުރިން ވަނީ އީރާނުގެ ބޯޓެއް ރާއްޖެއަށް މަސްތުވާތަކެތި އެތެރެކުރުމަށް މަސައްކަތް ކުރަނިކޮށް އަތުލައިގަންފަ އެވެ.
