ކ. މާލެ
|
30 އޮކްޓޯބަރ 2019 | ބުދަ 18:26
ރައީސް ސޯލިހް (ވ) ނަބާހާ (ކ)
ރައީސް ސޯލިހް (ވ) ނަބާހާ (ކ)
ރައީސް އޮފީސް
ގައުމީ ބެޑްމިންޓަން މުބާރާތް
ތިން ފައިނަލްކުޅެ ނަބާހާ ތިން ތަށި ކާމިޔާބުކޮށްފި
 
ބާރާތުގެ ފިރިހެން ސިންގަލްސްގެ ތަށި ނުވަ ވަނަ ފަހަރަށް މުހައްމަދު އަޖްފާން ވަނީ ކާމިޔާބުކޮށްފަ

ލިޓަސް 46 ވަނަ ގައުމީ ބެޑްމިންޓަން މުބާރާތުގައި ފާތުމަތް ނަބާހާ ވާދަކުރި ތިން ކެޓަގަރީގެ ތިން ފައިނަލް ކުޅެ ތިން ތަށި ނަބާހާ ކާމިޔާބުކޮށްފިއެވެ.

ނަބާހާ ތިން ތަށި ކާމިޔާބުކުރީ އަންގާރަ ދުވަހު ކުޅުނު އަންހެން ސިންގަލްސް، އަންހެން ޑަބަލްސް އަދި މިކްސް ޑަބަލްސްގެ ފައިނަލް މެޗުތައް ކާމިޔާބުކޮށްގެނެވެ.

ކުޅިވަރު އެކުވެނު ބެޑްމިންޓަން ހޯލުގައި ކުޅުނު ފައިނަލް މެޗު ތަކުގައި ނަބާހާ ފުރަތަމަ ކުޅެފައިވަނީ އަންހެން ސިންގަލްސް ފައިނަލް މެޗެވެ. އައިމިނަތު ނަބާހާ އާއި ވާދަކޮށް ނަބީހާ ފައިނަލް މެޗު ކާމިޔާބުކުރީ 1-2 ސެޓުންނެވެ.

ވާދަވެރި ކުޅުމެއް ފެނިގެންދިޔަ މި މެޗުގެ ސެޓުތައް ނަބާހާ ގެންދިޔައީ 18-21، 18-21 އަދި 21-19 އިންނެވެ.

އަންހެން ޑަބަލްސް ބައިގެ ޗެމްޕިއަންކަން ނަބާހާ އަދި ނަބީހާގެ ޕެއާއިން ދިފާއުކުރީ ފައިނަލުގައި އައިމިނަތު ޝަހުރުނާޒް އާއި ނީލާ ނަޖީބުގެ ޕެއާ ބަލިކުރުމަށް ފަހުގައެވެ. މި މެޗު ނަބާހާ އަދި ނަބީހާގެ ޕެއާއިން ކާމިޔާބުކުރީ 2-1 ސެޓުންނެވެ. މި މެޗުގެ ސެޓުތައް ދިޔައީ 21-18، 19-21 އަދި 21-19 އިންނެވެ.

މިކްސް ޑަބަލްސްގެ ޗެމްޕިއަންކަން ނަބާހާ އަދި ޒަޔާން ޒަކީގެ ޕެއާއިން ހޯދި އިރު ފައިނަލުގައި މި ޕެއާ ކުޅެފައިވަނީ ހަސަން އަފްޝީން އާއި ނީލާގެ ޕެއާ އާއި ދެކޮޅަށެވެ. މިކްސް ޑަބަލްސްގެ ފައިނަލް ނަބާހާ އަދި ޒަޔާންގެ ޕެއާއިން ކާމިޔާބުކުރީ ސީދާ ދެ ސެޓުން ކުރި ހޯދައިގެންނެވެ. މެޗުގެ ސެޓުތައް ދިޔައީ 21-15 އަދި 21-10 އިންނެވެ.

މުބާރާތުގެ ފިރިހެން ސިންގަލްސްގެ ތަށި ނުވަ ވަނަ ފަހަރަށް މުހައްމަދު އަޖްފާން ކާމިޔާބުކުރީ 2-1 ސެޓުންނެވެ. މެޗުގެ ސެޓުތައް ދިޔައީ 21-16، 19-21 އަދި 21-17 އިންނެވެ.

މުބާރާތުގެ ފިރިހެން ޑަބަލްސް ބައިގެ ޗެމްޕިއަންކަން ހޯދީ އަހުމަދު ތޯއިފް މުހައްމަދާއި ޒަޔާންގެ ޕެއާއިންނެވެ. ފައިނަލްގައި އިބްރާހިމް ރާޝިހު އާއި ރިސްވާން ޝިޔާމްގެގެ ޕެއާ ގެ މައްޗަށް ޒަޔާން އަދި ތޯއިފްގެ ޕެއާއިން ކުރި ހޯދީ ސީދާ ދެ ސެޓުން ކުރި ހޯދައިގެންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ލީވާން އަލީ
0%
0%
0%
0%
0%
0%
ކޮމެންޓް