އިންޑިއާގެ ކޮޗިންއާއި ރާއްޖެއާއި ދެމެދު ފެރީ ދަތުރުތައް ފަށަން އުޅޭތީ އިމިގްރޭޝަނުން ކަންބޮޑުވުން ފާޅުކޮށްފިއެވެ.
އިމިގްރޭޝަން އިން މިގޮތަށް ކަންބޮޑުވުން ފާޅުކޮށްފައިވަނީ އަންގާރަ ދުވަހު ބޭއްވި ގައުމީ ސަލާމަތާއި ޚާރިޖީ ގުޅުންތަކުގެ ކޮމެޓީ ބައްދަލުވުމުގައެވެ.
އިމިގްރޭޝަނުން ބުނީ ދިމާވާ އެންމެ ބޮޑު އެއް މައްސަލައަކީ ކަނޑުމަގުން އެތެރެވާ މީހުންގެ މައުލޫމާތު ސިސްޓަމެއްގައި ރައްކާކުރެވިފައި ނެތުމާއި އެ މައުލޫމާތު ދިމާނުވުން ކަމަށެވެ. 2013 ގައި ސިސްޓަމެއް ގާއިމުކޮށް، 7 އަހަރުވިއިރު ވެސް އެ ސިސްޓަމުން ކަނޑުމަގުން މީހުން އެތެރެވުމުގައި މޮޑިއުލެއް ހެދިފައި ނުވާކަމަށް އިމިގްރޭޝަނުން ވަނީބުނެފައެވެ. އިމިގްރޭޝަން އިން ބުނީ އެ ސަބަބަށްޓަކައި ކަނޑުމަގުން އެތެރެވާ އެއްވެސް ފަރާތެއްގެ މައުލޫމާތެއް ނުހުންނާނެ ކަމަށެވެ.
މީގެއިތުރުން އިމިގްރޭޝަން އިން ބުނީ މަޖިލީހުގައި މަޝްވަރާ ކުރެވުނު ފަހުން ފޮރިން މިނިސްޓްރީއާއި އެކު މަޝްވަރާ ކުރެވުނު ކަމަށެވެ.
ދެން ސައިން އޮފް، ސައިން އޮން ނޫނިއްޔާ ސީޕޯޓުގައި މިކުރަން ޖެހޭ ކަންކަމެއް އެ ސިސްޓަމަކުން ނުކުރެވޭ. ދެން އެބޭފުޅުން ވިދާޅުވަނީ ހައްލެއް ހޯއްދަވާއިދެއްވާނެކަމަކަސް، އަދިއެއް ހައްލެއް ފެންނާކަށް ނެތް، ދެން އަޅުގަނޑުމެން އެދުވަހު ފޮރިން އެފެއާޒްއާއި ކުރި މަޝްވަރާ ތަކުންވެސް، ދެން އެބޭފޫޅުން ވިދާޅުވީ އަޅުގަނޑުމެންގެ ޝަކުޥާތައް ޔޫއެސް ސްޓޭޓް ޑިޕާޓްމެންޓާއި ހިއްސާ ކުރައްވާނަމޭ، އެ ސިސްޓަމް ހަދާ ބޭފުޅުންނާއިއިމިގްރޭޝަން
އިމިގްރޭޝަން އިން ބުނީ އެންމެ ކަންބޮޑުވަނީ ރާއްޖެއާއި ކޮޗިންއާއި މެދު ދަތުރުތައް ފަށަން އުޅޭތީ ކަމަށެވެ. ދަތުރުތައް ފެށުމާއި އެކު "ވޮލިއުމް" އިތުރުވެ، އެ މައުލޫމާތު ސިސްޓަމަށް ނޭޅޭ ނަމަ ވަރަށް ބޮޑު މައްސަލަތަކާއި ކުރިމަތިވާނެ ކަމަސް ވެސް އިމިގްރޭޝަނުން ވަނީ ބުނެފައެވެ.
