ބުރާސްފަތި 09 އޭޕުރިލް 2020
02 އައްސިދަ
1441 ޝައުބާން 16
ފަތިސް 04:49
އިރުއަރާ 06:01
މެންދުރު 12:12
އަސްރު 15:16
މަޣްރިބް 18:15
އިޝާ 19:27
ދުނިޔެ - އިތިއޮޕިއާގެ

އިތިއޮޕިއާގެ ގޮނޑެއްގެ ބިންގަނޑު ކަނޑައިގެން ގޮސް 48 މީހުން މަރުވެއްޖެ

  • މަރުވި މީހުންގެ އަދަދު އިތުރުވެދާނެ ކަމުގެ ބިރު ވަނީ ހީވެފަ

އަބުދުﷲ މުހައްމަދު
8Abbo

ކ. މާލެ | 13 މާރޗް 2017 | ހޯމަ 15:39 | 1,653

ހާދިސާ ހިނގި ވަގުތު 150 އެއްހާ މީހުން އެތަނުގެ ތެރޭގައި ތިބި - ގޫގުލް

އިތިއޯޕިއާގެ ވެރިރަށް އަޑީސް އަބާބާގެ ގޮނޑެއްގައި ބިންގަޑު ކަނޑައިގެން ދިއުމުގެ ހާދިސާއެއްގައި 48 މީހުން މަރުވެއްޖެ ކަމަށް އޮފިޝަލުން ބުނެފިއެވެ.

ހޮނިހިރު ދުވަހުގެ ރޭ ހިނގި ބިންގަޑު ކަނޑައިގެން ދިއުމުގެ ހާދިސާގައި ގެއްލުނު މީހުންގެ ތެރެއިން އަދިވެސް އިތުރު އެތައް ބަޔަކު ވަނީ ނުފެނިއެވެ.

އެ ސަރަހައްދުގައި ދިރިއުޅެމުންދާ މީހަކު ބުނި ގޮތުގައި ހާދިސާ ހިނގި ވަގުތު 150 އެއްހާ މީހުން އެތަނުގެ ތެރޭގައި ތިއްބެވެ.

މީހުން މަޑުކޮށްލުމަށް ހަދާފައިވާ އެތައް ގެތަކެއް ވަނީ ކުނިތަކުގެ އަޑީގައި ވަޅުލެވިފައެވެ.

އެ ކުނިގޮނޑަކީ އަޑީސް އަބާބާގައި ބޭނުން ކުރަމުންދާތާ ބައިގަރުނު ވެފައިވާ ތަނެކެވެ.

އެ ސިޓީގެ ތަރުޖަމާނު އޭޕީގައި ވިދާޅުވެފައިވަނީ މަރުވި މީހުންގެ ތެރޭގައި ގިނަ އަދަދެއްގެ ކުޑަކުދިން ހިމެނޭ ކަމަށެވެ.

މަރުވި މީހުންގެ އަދަދު އިތުރުވެދާނެ ކަމުގެ ބިރު ވަނީ ހީވެފައެވެ.

އެ ސަރަހައްދުގައި ދިރިއުޅޭ މީހެއް ކަމަށްވާ މޫސާ ސުލައިމާން އަބްދުﷲ އޭއެފްޕީއަށް ބުނީ ބިންގަޑު ކަނޑައިގެން ގޮސް ގަޔާ ދިމާލަށް އައިއިރު ނަގޫރޯޅިއެއް އަންނަ އަޑު ފަދަ ބާރުގަދަ އަޑެއް އިވިފައިވާ ކަމަށެވެ.

 

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: އަލީ ޔޫސުފް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.