ރާއްޖެ
ފުލުހުން
ފޯނެއް ފޭރިގަތްމީހެއްގެ މީހެއްގެ އަތުން ފޯނު އަތުލައި ވެރިފަރާތާއި ހަވާލުކޮށްފި
އޭނާ ހައްޔަރުކޮށް މައްސަލަ ތަހުގީގު ކުރަމުންދާކަމަށް ފުލުހުން ބުނި
އަޒްލިފާ އަބްދުﷲ, ރާއްޖެ އެމްވީ | 11 އޮކްޓޯބަރު 2019 | ހުކުރު 09:33
ފޭރިގަނެގެން ދިޔަ ފޯން
ފޯނެއް ފޭރިގަތް މީހެއްގެ އަތުން ފޯނު އަތުލައި ވެރިފަރާތާއި ފުލުހުން ހަވާލުކޮށްފިއެވެ.
ފުލހުން ބުނީ މިމަހުގެ 11 ވަނަ ދުވަހު ފަރީދީ މަގުގައި ހުރި ފިހާރައެއްގެ ސެކިއުރިޓީގާޑާކަށް ހުރި ބިދޭސީއެއްގެ އަތުން ފޯނެއް ފެރިގެން 23 އަހަރުގެ ފިރިހެނަކު ދުއްވައިގަތްތަން އެވަގުތު ޕެޓްރޯލް ކުރަމުންދިޔަ ފުލުހުންނަށް ފެނިގެން އެމީހާ ފަހަތުން ގޮސް ހުއްޓުވައި ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
މިމީހާ ފުލުހުންގެ ބެލުމުގެ ދަށަށް ގެންގޮސް ބަލައި ފާސްކުރިއިރު ފޭރިގަތް ފޯން ފެނިފައިވާ ކަމަށް ފުލހުން މައުލޫމާތު ދެއެވެ.
އަދި އެ ފޯން ވަނީ ވެރިފަރާތާއި ހަވާލު ކުރެވިފައި ކަމަށާއި އޭނާ ހައްޔަރުކޮށް މައްސަލަދަނީ ތަހުގީގު ކުރަމުން ކަމަށް ފުލުހުން މައުލޫމާތު ދެއެވެ.
