އާދީއްތަ 08 ޑިސެންބަރު 2019
12 ދޮށަ
1441 ރަބީޢުލްއާޚިރު 11
ފަތިސް 04:42
އިރުއަރާ 05:59
މެންދުރު 12:02
އަސްރު 15:22
މަޣްރިބް 17:56
އިޝާ 19:13
ކުޅިވަރު - ޕްރިމިއާ ލީގު

ޕްރިމިއާ ލީގު: ޗެލްސީ އާއި އާސެނަލްއަށް މޮޅެއް

  • ޗެލްސީ މޮޅުވީ ސައުތުހެމްޕްޓަންއާ ވާދަކޮށް 1-4 ގެ ނަތީޖާއަކުން
  • އާސެނަލް މޮޅުވީ އޭއެފްސީ ބޯންމައުތުއާ ވާދަކޮށް 0-1 ގެ ނަތީޖާއަކުން

ލީވާން އަލީ
MrLeevaan

ކ. މާލެ 7 އޮކްޓޯބަރ 2019 | ހޯމަ 18:21 1,470

ޗެލްސީގެ ކުޅުންތެރިން އުފާ ފާޅުކުރަނީ - ޓްވިޓަރ

ޕްރިމިއާ ލީގުގައި ޗެލްސީ އާއި އާސެނަލް ކުޅުނު މެޗުން މޮޅުވެއްޖެއެވެ.

އާދީއްތަ ދުވަހުގެ ރޭ ކުޅުނު މެޗުން ޗެލްސީ މޮޅުވީ ސައުތުހެމްޕްޓަންއާ ވާދަކޮށް 1-4 ގެ ނަތީޖާއަކުންނެވެ.

ސައުތުހެމްޕްޓަން ދަނޑުގައި ކުޅުނު މި މެޗު ފެށިގެން ޗެލްސީން ވަނީ 17 ވަނަ މިނެޓުގައި މެޗުގެ ލީޑު ނަގާފައެވެ. މި ލަނޑު އެޓީމަށް ކާމިޔާބުކޮށްދިނީ އަބްރަހަމް އެވެ.

މި ލަނޑަށްފަހުވެސް ޗެލްސީން ދިޔައީ ސައުތުހެމްޕްޓަންގެ ގޯލަށް ނުރައްކާކޮށް ހަމަލާ އުފައްދަމުންނެވެ. އެގޮތުން 24 ވަނަ މިނެޓުގައި ވިލިއަންގެ އެހީތެރިކަމާއެކު މައުންޓް ކާމިޔާބުކުރި ލަނޑުން އެޓީމުން ވަނީ ލީޑު ފުޅާކޮށްފައެވެ.

މި ލީޑާއެކު ޗެލްސީން ރަނގަޅަށް ކުޅެމުން ދަނިކޮށް 30 ވަނަ މިނެޓުގައި ސައުތުހެމްޕްޓަންއިން ވަނީ ނަތީޖާގެ ފަރަގު ކުޑަކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ އިންގްސްއެވެ.

ފުރަތަމަ ހާފް ނިމުމުގެ ކުރިން ޗެލްސީން ވަނީ ތިންވަނަ ލަނޑު ޖަހާފައެވެ. މި ލަނޑު މާކޮސް އެލޮންސޯގެ އެހީތެރިކަމާއެކު ކާމިޔާބުކުރީ އެންގޯލޯ ކާންޓޭއެވެ.

ދެވަނަ ހާފް ފެށިގެންވެސް ރަނގަޅަށް ކުޅެމުންދިޔައީ ޗެލްސީންނެވެ. އެގޮތުން އެޓީމުން ވަނީ ސައުތުހެމްޕްޓަންގެ ހާފަށް ބާރުބޮޑުކޮށް ގިނަ ހަމަލާތަކެއް އުފައްދާފައެވެ.

މެޗުގެ އިތުރުވަގުތުގައި ޗެލްސީން ވަނީ ހަތަރުވަނަ ލަނޑު ކާމިޔާބުކޮށްފައެވެ. މި ލަނޑު ޕުލިސިކްގެ އެހީތެރިކަމާއެކު ކާމިޔާބުކުރީ ބަޓްޝުއާއިއެވެ.

އާދީއްތަ ދުވަހުގެ ރޭ ކުޅުނު މެޗުން އާސެނަލް މޮޅުވީ އޭއެފްސީ ބޯންމައުތުއާ ވާދަކޮށް 0-1 ގެ ނަތީޖާއަކުންނެވެ.

އާސެނަލް ދަނޑުގައި ކުޅުނު މި މެޗު ފެށިގެން ނުވަ ވަނަ މިނެޓުގައި އެޓީމުން ވަނީ ލީޑު ނަގާފައެވެ. މި ލަނޑު ޕެޕޭގެ އެހީތެރިކަމާއެކު ކާމިޔާބުކުރީ ޑޭވިޑް ސިލްވާއެވެ.

މި ލަނޑާއެކު އާސެނަލްއިން އެޓީމުގެ ކުޅުން އިތުރަށް ވަރުގަދަކޮށްފައިވާއިރު، އެޓީމުން ވަނީ ބޯޅަ ހިފަހައްޓާ ރަނގަޅު ޑިފެންސެއްވެސް ކޮށްފައެވެ.

މި ހާފްގައި ބޯންމައުތަށް ވަނީ ނަތީޖާ ހަމަހަމަ ކުރުމަށް ގިނަ ފުރުސަތުތައް ލިބިފައެވެ. ނަމަވެސް އެ ލިބުނު ފުރުސަތުތަކުގެ ބޭނުން އެޓީމަށް އެންމެ އެދެވޭ ގޮތެއްގައި ހިފިފައެއް ނުވެއެވެ.

މި ނަތީޖާއާއެކު އާސެނަލް އޮތީ ކުޅުނު 8 މެޗުން ލިބުނު 15 ޕޮއިންޓާއެކު ޕޮއިންޓް ތާވަލުގެ ތިންވަނައިގައެވެ. މެޗުން ބަލިވި ބޯންމައުތު އޮތީ ކުޅުނު 8 މެޗުން ލިބުނު 11 ޕޮއިންޓާއެކު ޕޮއިންޓް ތާވަލުގެ 10 ވަނައިގައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

އެންމެ ފަހުގެ
ކޮމެންޓް