މުހިންމު ގިނަ ބިލްތަކެއް ހިމެނޭގޮތަށް، މި ދައުރުގައި މަޖިލީހަށް ހުށަހަޅާ ބިލްތައް ހާމަކޮށްފި
7 އޮކްޓޯބަރު 2019 | ހޯމަ 08:11މި ދައުރުގައި ސަރުކާރުގެ ފަރާތުން ހުށައަޅާނެ 32 ބިލެއް ހުށައަޅާނެ
ރައްޔިތުންގެ މަޖިލީހުގެ ޖަލްސާގެ ތެރެއިން
ރައްޔިތުންގެ މަޖިލީހުގެ މި ދައުރުގައި ސަރުކާރުގެ ފަރާތުން ހުށައަޅާނެ 34 ބިލެއް އެޓާނީ ޖެނެރަލްގެ އޮފީހުން ހާމަ ކޮށްފިއެވެ.
ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅާ ބިލްތަކުގެ ތެރޭގައި ހިމެނެނީ ސަރުކާރުގެ ވައުދުތަކާއި ގުޅުންހުރި ބިލްތަކެވެ. އަދި އެޖެންޑާ 19 ގައި ހިމެނޭ ބިލްތަކެވެ.
މަޖިލީހުގެ ތިންވަނަ ދައުރު ފައްޓަވަމުން މަޖިލީހުގެ ރައީސް މުހައްމަދު ނަޝީދު ވިދާޅުވެފައިވަނީ އެ ބިލުތަކުގެ އިތުުރުން ދެން އެންމެ ބޮޑު މަސައްކަތަކީ، އަންނަ އަހަރަށް ލަފާ ކުރާ ދައުލަތުގެ ބަޖެޓު ކަމަށެވެ. މި ދައުރުގައި 34 ބިލެއް މަޖިލީހަށް ހުށައެޅުމަށް ނިންމާފައިވާއިރު ދާދި ފަހުން ދައުރުން ބޭރުގައި ޖަލްސާތައް ބާއްވާ ޓެރަރިޒަމް މަނާ ކުރުމުގެ ގާނޫނަށް އިސްލާހު ގެނެސްފައެވެ.
މި ދައުރު ފެށުނު ފަހުން އަދި އެއްވެސް ބިލެއް ސަރުކާރުގެ ފަރާތުން ހުށައަޅާފައެއް ނުވެއެވެ. މި ދައުރު ނިމޭނީ އަންނަ ނޮވެމްބަރު މަހުގެ 30 ވަނަ ދުވަހުއެވެ.
