މަޑިފުށި ބަނދަރުގެ މަޝްރޫއު ނިންމާލައިފި
1 އޮކްޓޯބަރު 2019 | އަންގާރަ 08:03މި މަޝްރޫއުގެ އަމަލީ މަސައްކަތް ފަށާފައިވަނީ 2016 ވަނަ އަހަރުގެ 26 ވަނަ ދުވަހު
އުމްނާ އިސްމާއިލް | 1 އޮކްޓޯބަރު 2019 | އަންގާރަ 08:03
މަޑިފުށި
ތ މަޑިފުށި ބަނދަރުގެ މަޝްރޫއު ނިންމާލައިފިއެެވެ. މި މަޝްރޫއު ނިންމާފައިވަނީ ސެޕްޓެމްބަރު މަހުގެ 11 ވަނަ ދުވަހުއެވެ. މި މަޝްރޫއުގެ އަމަލީ މަސައްކަތް ފަށާފައިވަނީ 2016 ވަނަ އަހަރުގެ 26 ވަނަ ދުވަހުއެވެ.
މި މަޝްރޫއުގެ ދަށުން އެމްޓީސީސީން ވަނީ އެރަށުގައި 256.03 މީޓަރުގެ ބްރޭކްވޯޓާއަކާއި، 20 މީޓަރުގެ ރިވެޓްމެންޓެއްގެ އިތުރުން 357 މީޓަރުގެ ކުއޭ ވޯލް ބްލޮކެއް އެރަށުގައި އަޅާފައެވެ. އެމްޓީސީސީ އިން ވަނީ 1،010 އަކަ މީޓަރުގެ ހާބަރު ޕޭވްމަންޓާއި ދެ ނެރު ބައްތިވެސް ހަރުކޮށްފައިވެއެވެ.
އެމްޓީސީސީން ބުނީ މި މަޝްރޫއުއަށް ދިޔަ ޖުމްލަ ހަރަދަކީ 52.96 މިލިއަން ރުފިޔާ ކަމަށެވެ.
