އިޓާލިއަން ލީގު: ޖެހިޖެހިގެން ތިން މެޗުން ބަލިވެ އޭސީ މިލާނަށް ދަތިތަކަކާއި ކުރިމަތިލާން ޖެހިއްޖެ

އިޓަލިއަން ލީގުގައި ޖެހިޖެހިގެން ތިން މެޗުން ބަލިވެ އޭސީ މިލާނުން ދަތިތަކަކާއި ކުރިމަތިލާން ޖެހިއްޖެއެވެ.

އޭސީ މިލާނުގެ އަމިއްލަ ދަނޑުގައި ކުޅުނު މި މެޗުން ފްލޮރިންޓީނާ އަތުން އޭސީ މިލާން ބަލިވީ 3-0 ގެ ނަތީޖާ އަކުންނެވެ.

މެޗުގެ ފުރަތަމަ ހާފު ފަށައިގެން އޭސީ މިލާނުން ރަނގަޅަށް ކުޅުނު ނަމަވެސް މެޗުގެ 13 ވަނަ މިނެޓުގައި ފްލޮރިންޓީނާ އިން ވަނީ ލަނޑު ޖަހައިފައެވެ. މި ލަނޑު އެޓީމަށް ކާމިޔާބުކޮށްދިނީ ލިބުނު ޕެނަލްޓީ އަކުން އެރިކް ޕުލްގާއެވެ.

ލަނޑަށްފަހު އޭސީ މިލާނުން ކުޅުން ރަނގަޅުކޮށް ފުލުފުލުގައި ފްލޮރިންޓީނާގެ ގޯލަށް ހަމަލާތައް އުފެއްދިއިރު ފްލޮރިންޓީނާގެ ކުޅުންތެރިންވަނީ ވަރަށް ރަނގަޅު ޑިފެންސެއް ކޮށްފައެވެ. އަދި މިލާން ކުޅުންތެރިން ފޮނުވާލިގިނަ ހަމަލާތަކެއް ފްލޮރިންޓީނާގެ ކީޕަރު ވަނީ ހުށިޔާރުކަމާއި އެކު ދިފާއު ކޮށްފައެވެ.

މި މެޗުގެ ފުރަތަމަ ހާފު ނިމިގެންދިޔައީ 1-0 ގެ ނަތީޖާ އަކުން ފްލޮރިންޓީނާ ކުރީގައި އޮވެގެންނެވެ.

މެޗުގެ ފަހު ހާފުގައި ފްލޮރިންޓީނާ އިން ވަނީ އެޓީމުގެ ކުޅުން އިތުރަށް ރަނގަޅުކޮށް އެސީ މިލާނުގެ ހާފަށް ބާރު ބޮޑު ކޮށްފައެވެ. އެގޮތުން މެޗުގެ 66 ވަނަ މިނެޓުގައި ފްލޮރިންޓީނާގެ ގެޓީނިއޯ ކެސްޓްރޯވިލް ވަނީ އެޓީމަށް ލަނޑެއް ކާމިޔާބުކޮށް ލީޑު ފުޅާ

ކޮށްފައެވެ. އަދި މެޗުގެ 78 ވަނަ މިނެޓުގައި ފްރޭންކް ރިބެރީ ވަނީ އިތުރު ލަނޑެއް މިލާނަށް ކާމިޔާބުކޮށްދީ ލީޑު ފުޅާ ކޮށްދީފައެވެ.

މިލާނުން މި މެޗުގައި ކާމިޔާބުކުރި ހަމައެކަނި ލަނޑު މެޗުގެ 80 ވަނަ މިނެޓުގައި މިލާނަށް ކާމިޔާބުކޮށްދިނީ ރަފެއިލްއެވެ.

މި ނަތީޖާ އާއިއެކު ފްލޮރިންޓީނިއާއިން އޮތީ ލިބުނު 8 ޕޮއިންޓާއެކު ލީގު ތާވަލުގެ ނުވަވަނައިގައެވެ. ތާވަލުގެ އެއްވަނައިގައި އޮތީ 18 ޕޮއިންޓާއެކު އިންޓަރ މިލާންއެވެ. އަދި މެޗުން ބަލިވި އޭސީ މިލާން އޮތީ ލިބުނު ހަ ޕޮއިންޓާއެކު ތާވަލުގެ 16 ވަނައިގައެވެ.