ދެކުނު އިންޑިއާ އަށް ކުރަމުންދާ ވިއްސާރައިގައި 44 މީހަކު މަރުވެއްޖެ

ދެކުނު އިންޑިއާގައި ކުރަމުންދާ ވިއްސާރައިގައި އިންޑިއާގެ އުއްތަރު ޕްރަދޭޝްގެ ސްޓޭޓްގައި ފެންބޮޑުވެ، އެ ހާދިސާގައި ވަރަށް ގިނަ މީހުން މަރުވެއްޖެއެވެ.

އެ ސްޓޭޓްގެ އޮފިޝަލުންނާއި ހަވާލާދީ އަލްޖަޒީރާގައި ބުނެފައިވަނީ ހާދިސާގައި ހާލުގައި ޖެހުނު ފަރާތްތައް މިހާރު ވަގުތީ ހިޔާއަށް ބަދަލު ކުރެވިފައިވާ ކަމަށެވެ.

އެގޮތުން މިހާތަނަށް 44 މީހަކު މަރުވެފައިވާ ކަމަށާއި ކަމާބެހޭ ފަރާތްތަކުން މަސައްކަތް ކުރަމުން ގެންދަނީ ހާލުގައި ޖެހުނު ފަރާތްތަކަށް ވަގުތީ ބޯހިޔާވަހިކަން ފޯރުކޮށްދީ އެހީވުމަށް ކަމަށް ވެސް އޮފިޝަލަކާއި ހަވާލާދީ އަލްޖަޒީރާގައި ވެއެވެ.

އެގޮތުން މިހާތަނަށް 100 އަށް ވުރެ ގިނަ މީހުން ވަގުތީ ހިޔާއަށް ބަދަލު ކުރެވިފައިވާ ކަމަށާއި ކުރިއަށް އޮތް 48 ގަޑިއިރަށް ލަފާކުރެވިފައިވަނީ ވަރަށް ގަދަ ވަޔާއެކު ވިއްސާރަ ވާނެ ކަމަށެވެ. ގިނަ ބަޔަކު ހާލުގައި ޖެހުނީ ވިއްސާރައިގައި ގެތައް ހަލާކުވެ، ފެންގަނޑުގައި ގެނބިގެން ކަމަށްވެސް އަލްޖަޒީރާގައި ވެއެވެ.